No Blood—Medicines Meets the Challenge Vidio Oi Itaia be Namo
1 Rara lasi muramura ena heduru daladia dekenai dahaka gau haida oi diba? Idia henia hanai diba gaudia haida be dahaka, bona edia gaukara danu oi lalo-pararalaia, a? Unai vidio oi itaia, bona inai henanadai amo oiemu diba oi tohoa.—Itaia: Opereisen haida be laulau lalonai do idia hedinarai dainai, tama sina be edia natudia danu unai vidio idia itaia neganai, aonega idia gaukaralaia be namo.
2 (1) Iehova ena Witnes taudia ese rara henia hanai karana idia dadaraia ena badina badana be dahaka, bona Baibel dekenai unai hakaua herevana be edeseniai ita davaria? (2) Medikol heduru ita tahua neganai, dahaka ita ura? (3) Gorere taudia dekenai dahaka maoro ia noho? (4) Dahaka dainai rara dadaraia karana be badina maorodia laloa bada karana bona maduna huaia karana? (5) Rara momo ita haboioa neganai, doketa taudia ese dahaka gau rua idia karaia haraga guna? (6) Rara henia hanai karana amo dahaka gorere idia vara diba? (7) Doketa taudia ese dahaka tulu haida idia gaukaralaia rara halusia karana idia hamaragia totona? (8) Oi abia diba heduru ma haida dekenai dahaka diba oi ura abia be namo? (9) Rara idia henia lasi opereisen badadia idia karaia diba, a? (10) Doketa taudia momo be dahaka idia ura karaia Iehova ena Witnes taudia totona, bona gorere taudia ibounai naria totona dahaka dala badana be gabeai do idia badinaia diba?
3 Iseda Baibel stiuden taudia, Witnes lasi turadia eiava varavara taudia, gaukara turadia, tisa taudia, bona sikuli turadia be reana rara ita dadaraia karana dekenai mai edia henanadai, ita daradara lasi idia ida No Blood vidio ita itaia neganai idia do ia durua. Vidio lalonai idia hahedinaraia heduru daladia be ta ta sibona ese do idia abia hidi, edia lalona ena hemami hegeregerena.—June 15 bona October 15, 2000, edia Gima Kohorona dekenai, “Duahia Taudia Edia Henanadai” itaia.