Hesiai Hebou Ena Sediual

December 9 Purana

Ane 193

12 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Ibounai hagoadaia vanegai sekit hebouhebou dekenai idia torea herevadia idia riviulaia, pura vaira ena Hesiai Hebou ai ita herevalaia totona. Rau 8 ai idia noho heduru herevadia oi gaukaralaia, eiava bema unai magasin idia noho lasi neganai vanegai hua ena magasin amo, Watchtower bona Awake! magasin henia dalana haheitalaia.

15 min: “Basileia Sivaraina Harorolaia.”a Paragraf 3 umui herevalaia neganai, sivarai namona oi harorolaia neganai Baibel amo siri ta duahia karana herevalaia danu.​​—km 12/01 rau 1 par. 3.

18 min: Henanadai Mauana. Haroro naria tauna ese inai hereva do ia henia, haroro teritori ai do idia vara diba gaudia ia herevalaia.

Ane 119 bona guriguri.

December 16 Purana

Ane 29

7 min: Kongregesen ena hadibaia herevadia. Akaun ripotina. December 25 ai haroro gaukara totona idia hegaegaelaia gaudia herevalaia.

15 min: Mai Edia Aonega Taudia be Diba Do Idia Davaria. (Dan. 12:​3, 10) Haheitalai ta. Kamonai tauna ia henanadai: “Edena dala ai do lau abia dae diba Baibel oi lalo-pararalaia dalana be maoro?” Pablisa ia hahedinaraia edena bamona ia ese hereva badadia ta ta ia gaukaralaia karana amo Baibel herevadia ia stadilaia. (w96 5/15 rau 19-​20) Herevalaia bukana, rau 366-​71, amo haheitalai ta eiava rua ia gaukaralaia, unai amo ia hahedinaraia ita be edena bamona Baibel siridia ita stadilaia namonamo amo Dirava ena ura tanobada totona ita lalo-pararalaia. Pablisa ia hahedinaraia edena bamona unai dala tamona ia gaukaralaia diba Baibel ena hahediba herevadia ma haida ia lalo-pararalaia totona bona ia hadibaia Baibel stadi idia karaia diba.

23 min: “Dirava Gari Henia Bona Hanamoa Bada.” (Apok. 14:7) Hereva oi henia bona helai taudia ida hesiai laganina gunana ena sekit hebouhebou ena program umui riviulaia. Kongregesen taudia oi noia idia dibaia hereva badadia bona idia sibona eiava ruma bese ida idia badinaia diba herevadia idia kikilaia. (Kahana ta ta be tadikaka ta ta ese idia karaia.) Inai program ena kahana idauidau herevalaia: (1) “Kamonai Taudia Oi Durua, Dirava Gari Henia Karana Idia Habadaia Totona.” Edena bamona Memorial dekenai idia mai kamonai taudia ita durua diba, idia goada idia lao bona Iehova ena hesiai taudia goadadia ai idia lao totona? (2) “Iehova Ita Gari Henia Ena Anina be Dika Ita Inai Henia.” (w87 11/1 18-​20) Aonega Herevadia 6:​16-19 ese edena dala amo ita ia durua Iehova ia inai henia gaudia​​—hekokoroku, koikoi, kohu tahua goadagoada karana, moale karadia kereredia, Internet gaukaralaia kerere karana​​—ita dadaraia totona? (3) “Emu Lalokau Taudia Kahirakahira Dekenai Oi Lao Noho.” Iehova, Iesu, ruma bese taudia, bona kongregesen lalonai ma haida ita lalokau henia; edena bamona idia kahirakahira dekenai ita lao noho karana ese tanobada amo ita ia gimaia? (4) “Iehova Gari Henia, Taunimanima Gari Henia Lasi.” Iehova habadua garina ita gari karana ese oi edena bamona ia durua oi haroro neganai oi hemarai lasi totona, moni gaukara gabuna eiava sikuli gabuna ai Dirava ena taravatu oi badinaia totona, eiava emu bosi ena doria herevadia oi hanaia kongregesen heboudia, hebouhebou badadia bona maragidia oi lao henia totona? (5) “Gau Ibounai Umui Karaia Dirava Hanamoa Totona.” (Sal. 119:37; Heb. 4:​13) Dahaka dainai Dirava ita gari henia neganai inuinu kekero karadia, matabodaga laulaudia itaia karana, eiava hehuni dekenai kara dika ma haida ita karaia lasi be namo? (6) “Iehova Gari Henia Dalana ai Umui Raka Noho.” Edena bamona Iehova ese dala ia kehoa iena lauma be emu mauri lalonai ia gaukara totona?​​—Sal. 31:19; 33:18; 34:​9, 17; 145:19.

Ane 154 bona guriguri.

December 23 Purana

Ane 148

5 min: Kongregesen ena hadibaia herevadia. Namona be kongregesen ese dala ia hegaegaelaia No Blood​​—Medicine Meets the Challenge vidio umui itaia totona, January 6 purana ai Hesiai Hebou dekenai ita herevalaia totona.

20 min: Sivarai Namona Dainai Ita Hemarai Lasi. (Roma 1:​16) Natuna ese hekwakwanai ta ia gwauraia tamana dekenai. Natuna ia ura lasi hahedinaraia ia be Iehova ena Witnes tauna, badina ena bamodia ese ia idia kirikirilaia garina. Tamana ese natuna ia tanikiu henia badina unai hereva momokanina ia gwauraia. Tamana ese Petero ena sivarai ia gwauraia, ma haida edia doria karana dainai Petero ia karaia karana ia kikilaia. (Mat. 26:​69-​74) Tamana ese inai sisiba ia henia: Ita be Keristani taudia dainai ita hemarai be namo lasi. (Mar. 8:​38) Sikuli ai ita hahedinaraia ita be Witnes taudia be mai ena namo. Tisa taudia oi hadibaia neganai, idia momo ese oi abia dae hadibaia herevadia do idia matauraia bona oi dekenai idia maoro lasi karadia dekenai oi do idia boiria lasi. Kara maoromaoro idia badinaia lasi matamata taudia ese oi do idia doria toho lasi, oi kara dika totona. Klas turadia ma haida do idia lalo-parara dahaka dainai oi ura lasi mero ese kekeni ia tura henia karana oi karaia, gadara haida dekenai oi vareai lasi, eiava sikuli murinai idia karaia gaudia ma haida oi dadaraia. Bema nega ia hegeregere, tamana bona natuna ese Memero Kekeni Edia Henanadai bukana, rau 315-​18 ena hereva kwarana maragina “Dirava Oi Tura Henia Karana be Taunimanima Vairadiai Oi Gwauraia Hedinarai” amo hereva badadia idia herevalaia. Unai sisiba namona dainai, natuna ese tamana ia tanikiu henia.

20 min: “Hua Ta Ta Ibounai Haroro Ripoti Oi Henia, A?”b Paragraf 2 oi herevalaia neganai, Hesiai Gaukara bukana ena rau 106-8 ai ia noho herevadia kikilaia danu.

Ane 165 bona guriguri.

December 30 Purana

Ane 152

10 min: Kongregesen ena hadibaia herevadia. Pablisa taudia hadibaia lou December ena haroro ripoti idia henia. Bema emui kongregesen be hebou edia nega idia haidaua lagani matamata totona, ibounai hagoadaia unai nega matamatadia ai hanaihanai hebou idia lao henidia. January ena henia gauna gwauraia, kongregesen dekenai idia noho gaudia herevalaia be namo.

15 min: Kongregesen durua herevana.

20 min: Hereva Momokani Badinaia Karana Sikuli Dekenai. Matamata pablisa ta eiava rua henanadai henia, idia be lagani matamatana ai sikuli dekenai do idia giroa lou, bona idia lalo-parara Keristani lasi klas turadia idia bamoa momo lasi be namo. Edena bamona palani idia karaia lalona veria bese abia isi karadia, dina helagadia bona vara dinadia moalelaia karadia, gadara idauidau, bona kara mirodia dainai idia vara hekwakwanai idia hanaia totona? Sikuli dekenai idia haroro diba daladia kikilaia danu.

Ane 147 bona guriguri.

January 6 Purana

Ane 67

8 min: Kongregesen ena hadibaia herevadia.

20 min: Ita Idia Durua Dirava Ena Taravatu Rara Dekenai Ita Badinaia Totona. Ia manada vadaeni elda ta ese inai hereva do ia henia, brens opesi idia henia autlain bona inai hua ena Iseda Basileia Gaukara lalonai idia udaia pepana rau 3 ai ia gaukaralaia. Namona be seketere dekenai Advance Medical Directive/Release kadi bona Identity Card momo idia noho, ia hariharilaia totona. Hari hebou murinai inai kadi be bapatiso pablisa taudia ese do idia abia diba, to hari idia hahonua LASI be namo. Kongregesen Buka Stadi gabena ai inai kadi umui sainia, witnes taudia ese idia sainia, bona ena deit torea, buka stadi naria tauna ese heduru ma haida ia henia diba danu. Witnes totona edia ladana idia sainia taudia be kadi biaguna ia saini neganai, idia itaia be namo.

17 min: “No Blood​​—Medicines Meets Challenge Vidio Oi Itaia be Namo.” Ia manada vadaeni elda ta ese ia karaia. Maoromaoro helai taudia ida No Blood vidio oi herevalaia, rau 1 ai idia torea henanadai oi gaukaralaia. Unai murinai, paragraf dokona oi duahia.

Ane 79 bona guriguri.

[Footnotes]