Tama Sina E—Hadibaia Namonamo
1 Aberahamo be Dirava ena turana ena badina ta be, Ia diba unai bese kwarana ese ‘iena natudia bona iena tubudia dekenai Iehova ena taravatu do ia hadibaia namonamo, vadaeni idia ese Iehova ena taravatu do idia kamonai henia, kara maoromaoro dekenai.’ (Gen. 18:19) Unai be momokani hari idia noho Keristani tama sina dekenai danu, ani? Bema oi be tama eiava sina ta, oiemu lalokau natudia oi hadibadia Dirava ena dala dekenai do idia raka noho totona, bena unai amo ‘haida ese edia abidadama totona idia nanadaia neganai, nega ibounai do idia naria hegaegae noho, mai mataurai bona manau danu do idia haere’ totona, a?—1 Pet. 3:15.
2 Iseda natudia dekenai rara henia hanai karana ese ia havaraia gorere idauidau bona dika ma haida ita hadibadia be namo, to iseda natudia dekenai Dirava ena taravatu goevadaena rara dekenai ita hadibaia ena anina be rara idia gari henia totona ita hagaridia lasi. Hegeregere, bema diadi ta ese kekeni ta ia nanadaia dahaka dainai ia ura lasi rara ia abia bona ena haere be ia laloa rara ese dika ia havaraia eiava rara be mai garina, dahaka ia vara diba? Reana diadi do ia laloa ia be natuna maragina sibona bona ia gari bada; unai be hegeregere appendix dikana kokia opereisen dekenai ia gari bada dainai mai taitai ida ia dadaraia, herevana ena tama sina idia laloa iena namo totona unai opereisen do ia abia. Danu, rara mai mirona ita dekenai idia henia diba be Keristani taudia ese rara henia hanai karana idia dadaraia ena badina badana lasi, to iseda Dirava bona Mauri Henia Tauna dekenai rara be mai anina bada gauna. Iseda natudia be unai idia diba be namo, bona rara ese ia havaraia dika danu ese iseda tomadiho karana dainai rara ita dadaraia ena badina ia durua.
3 Bema oi be mai emu natudia, oi diba momokani idia ese Baibel ena lalohadai rara henia hanai karana dekenai idia abia dae bona idia gwauraia hedinarai diba, a? Idia abia dae momokani unai be Dirava ena ura, a? Idia diba Dirava ena taravatu utua karana be kerere badana bona Keristani tauna ena mauri hanaihanai abia dalana ia hadikaia diba, a? Aonega tama sina ese edia natudia ida unai do idia herevalaia, herevana edia mauri lagani be maragi eiava idia be kahirakahira taunimanima badadia. Tama sina be matamata taudia ese idia davaria henanadaidia, diadi eiava hospital naria taudia amo idia haerelaia daladia idia tohoa hebou be namo. Namo lasi hereva eiava haere ta idia gwauraia bena matamata tauna ese edia murinai idia gwauraia kava. Mai anina bada gauna be idia diba dahaka idia abia dae bona dahaka dainai idia abia dae. Momokani, kota lalonai, tama sina eiava haida ese rara abia ena dika bona idia noho vadaeni heduru daladia ma haida idia herevalaia diba. To diadi eiava kota tauna be eda natudia ida idia kiki neganai, idia ura diba gauna be bema edia noho bona idia abia diba heduru daladia idia lalo-pararalaia eiava lasi, bona danu idia sibona ese gau haida idia laloa bada bona idia abia dae momokani eiava lasi.—2 King Taudia 5:1-4 itaia.
4 Namona be ita ibounai ese Dirava ena lalohadai rara dekenai ita lalo-pararalaia bona dogoatao auka. Apokalupo 1:5 ia gwau Keriso ese “ita ia lalokau henia, bona iena rarana dekena amo iseda kara dika ia huria ore vadaeni.” Iesu ena rarana ita abia dae karana amo iseda kara dika do ia gwauatao momokani diba. Roma 5:9 ia hahedinaraia goevagoeva, ia gwau: “Iesu ena rarana dainai, Dirava ena vairanai ita be maoromaoro vadaeni, ani? Unai dainai ma gau badana ta ita diba, ani? Iesu ese ma Dirava ena badu Dinana dekena amo ita do ia hamauria.” Unai dainai, aonega dalana be, ita bona iseda natudia be unai kara dekenai Iehova ese ia hadibaia be namo bona eda lalona ita hadaia ena dala dekenai do ita raka ela bona hanaihanai!
This article has been taken partly from w91-E 6/15 “Walk as Instructed by Jehovah,” par. 19-22.