Hesiai Hebou Ena Sediual

May 10 Purana

Ane 193

10 min: Kongregesen ena hadibaia herevadia. Iseda Basileia Gaukara amo hadibaia hereva haida abia hidi. Bema rau 4 ai idia noho magasin herevalaia daladia be emu kongregesen teritori dekenai oi gaukaralaia diba, vadaeni oi gaukaralaia April 15 Watchtower bona April 22 Awake! haheitalaia totona. Hamatamaia herevadia ma haida oi gaukaralaia diba. Unai haheitalai ta ta lalonai, inai ura lasi herevana, “Lau be mai Egu Tomadiho” ita hanaia dalana ta idia hahedinaraia.​​—Herevalaia buka, rau 21-​22 itaia.

15 min: Keristani Lalohadaina Mase Negana Ena Kastom Karadia Dekenai​—Kahana 1. Ia manada vadaeni elda ta ese July 15, 1998, Gima Kohorona, rau 20, paragraf ginigunana amo ela bona rau 22 ena sinado maragina “Mai Hemataurai Mase Guria Heboudia” amo ena hereva do ia henia. Namona be elda tauna ese Baibel ena siri ia hahedinaraia goevagoeva bona ena gabu ena kastom hegeregerena ia herevalaia.

20 min: “Iseda Lalokau Ita ‘Habadaia’ ”a Dirava Tomadiho Henia bukana, rau 150, paragraf 14 herevalaia danu.

Ane 18 bona guriguri.

May 17 Purana

Ane 188

10 min: Kongregesen ena hadibaia herevadia. “Dirava Tomadiho Henia Bukana Gaukaralaia Baibel Stadi Karaia Totona” herevalaia.

15 min: “Oiemu Tanikiu Karana Oi Hahedinaraia.”b Bema nega ia hegeregere, helai taudia oi noia idia gwauraia siridia idia herevalaia totona. Paragraf 3 oi herevalaia neganai, vanegai sibona heduru painia idia karaia taudia ta eiava rua oi abia, unai gaukara idia karaia dainai idia davaria hahenamodia idia herevalaia totona.

20 min: Ta Ta Ena Namo Ita Laloa Bada. (1 Kor. 12:​25, 26) Hesiai Gaukara bukana, rau 157-9, ena sinado maragina “Ta ese Ta Ena Namo Ia Tahua” amo hereva henia bona helai taudia ida kikilaia. Herevana Iehova ena taunimanima be tanobada ena kahana ibounai dekenai idia noho, ita be lalo-tamona dekenai ita noho. Ita ibounai be dina ta ta ai, iseda tadikaka totona ita guriguri be namo. Danu, tauanina dalanai idia dabu dainai heduru idia abia haraga be namo neganai, heduru ita henia haraga be namo. Siri badadia duahia bona herevalaia, bona iseda buka amo ekspiriens ta eiava rua oi herevalaia.

Ane 100 bona guriguri.

May 24 Purana

Ane 128

10 min: Kongregesen ena hadibaia herevadia. Akaun ripoti. May 1 Watchtower bona Awake! matamatana ta hariharilaia dalana haheitalaia. Namona be unai haheitalai lalonai, idia be dubu tauna ta idia hereva henia bamona.

15 min: “Ita Ia Hagoadaia Miusiki.” Hereva henia bona helai taudia ida kikilaia. February 1, 1997, Gima Kohorona, rau 27, paragraf 1-2 ena hereva haida ia gwauraia. Bema hegeregere, lagani 2002 Yearbook, rau 175 ena hereva haida gwauraia danu.

20 min: Keristani Lalohadaina Mase Negana Ena Kastom Karadia Dekenai​—Kahana 2. Ia manada vadaeni elda ta ese July 15, 1998, Gima Kohorona, rau 22 ena, sinado maragina “Mai Hemataurai Mase Guria Heboudia” amo ela bona rau 24 ena paragraf ginigabena amo ena hereva do ia henia. Namona be elda tauna ese Baibel ena siri ia hahedinaraia goevagoeva bona ena gabu ena kastom hegeregerena ia herevalaia.

Ane 211 bona guriguri.

May 31 Purana

Ane 26

7 min: Kongregesen ena hadibaia herevadia. Pablisa taudia hadibaia lou January ena haroro ripoti idia henia totona.

20 min: Mauri​​—Laloa Bada Harihari Gauna Ta. Herevalaia bukana, rau 76-7 be helai taudia ida kikilaia. Bema hegeregere, April-June, 1994, Noga!, rau 10-11 oi herevalaia danu. Tau ta dekenai Iehova ena lalohadai, bogana lalonai natuna hamasea karana be edena bamona do oi herevalaia bema unai tau ia laloa hahine be mai ena maoro ena tauanina dekenai dahaka ia karaia totona? January 1, 2000, Gima Kohorona, rau 4, paragraf 4-5 lalonai ia noho ekspiriens gwauraia.

18 min: Nega Bona Gabu Idauidau ai Oi Haroro Totona Oi Hegaegae. June 2003 Iseda Basileia Gaukara, rau 3 amo hereva henia bona helai taudia ida kikilaia. Haida oi abia hegaegae guna, nega bona gabu idauidau ai idia haroro neganai idia davaria ekspiriens idia gwauraia totona. Nega sisina lalonai, nega bona gabu idauidau dekenai Oi Ura Baibel Do Oi Diba Namonamo, A? pepapepa gaukaralaia dalana haheitalaia.

Ane 24 bona guriguri.

June 7 Purana

Ane 136

10 min: Kongregesen ena hadibaia herevadia. “Taunimanima Durua Dalana Ta” ena hereva badadia kikilaia. Teritori dekenai taunimanima ese idia herevalaia gado haida edia ladana gwauraia.

15 min: Kongregesen durua herevana, eiava elda tauna ese October 1, 1998, Gima Kohorona, rau  28-31 amo inai hereva “Lauma Dalanai Oi Goada Oi Lao Noho!” ia henia.

20 min: Oiemu Hadibaia Karana Dekenai Anina Namona Idia Havaraia Haheitalai Gaukaralaia. September 1, 2002, Gima Kohorona, rau 30-32 amo hereva henia bona helai taudia ida kikilaia. Edena gaudia foa ese haheitalai namona ia havaraia diba? Dahaka dainai auka lasi haheitalai ita gaukaralaia be namo? Haheitalai namodia be edeseniai ita davaria diba? Rau 31 ai idia noho haheitalai haida oi itaia bona oi hahedinaraia edena dala ai idia ta ta be haheitalai namodia.

Ane 133 bona guriguri.

[Footnotes]