Tiokratik Haroro Sikuli Ena Riviu — Gima Kohorona INTANET LAIBRI

Tiokratik Haroro Sikuli Ena Riviu

Inai henanadai be Tiokratik Haroro Sikuli dekenai do ita herevalaia, December 26, 2005 ia matamaia purana ai. Sikuli naria tauna ese miniti 30 lalonai riviu do ia karaia, unai gaudia be November 7 ia lao December 26, 2005 wiki herevadia dekenai. [Itaia: Bema henanadai edia dokona ai buka ta idia torea lasi, sibona emu tahua karana oi karaia be namo haere oi davaria totona.—Haroro Sikuli bukana, rau 36-7 itaia.]

HEREVA KARANA

1. Edena dala ai ita hahedinaraia ‘lalokau dainai’ hagoadaia hereva ita henia? (File. 9) [be rau 266]

2. Edena dala ai haida do oi hagoadaia “hadibaia hereva namodia dekena amo”? (Tito 1:9) [be rau 266 par. 5–rau 267 par. 1]

3. Dahaka dainai iseda hereva be hagoadaia dalanai ita henia be mai anina bada, bona edena dala ai unai ita karaia diba? [be rau 268 par. 1-3, maua]

4. Mose bamona, ma haida ita hagoadaia neganai, dahaka dainai Iehova ese ena taunimanima totona ia karaia vadaeni gaudia ita gwauraia be namo? (Deu. 3:28; 31:1-8) [be rau 268 par. 5–rau 269 par. 2]

5. Dahaka dainai mai moale ida Iehova ese hari ia karaia gaudia bona vaira nega ai do ia karaia gaudia ita herevalaia neganai, unai ese iseda hereva idia kamonai taudia ia hagoadaia? [be rau 270-1]

HEREVA NAMBA 1

6. Septuagint Baibel be dahaka, bona dahaka dainai ia be mai anina Keristani taudia dekenai? [bsi05 Stadi Namba 5 rau 15 par. 12–rau 18 par. 14]

7. Masorete taudia be daidia, bona Baibel hahanaia gaukarana be edena bamona idia durua? [bsi05 Stadi Namba 5 rau 19 par. 18, 20; rau 20 par. 21]

8. Edena buka amo English Gado New World Translation ena Heberu kahana idia hahanaia, bona dahaka dainai ita gwau unai Baibel be idia hahanaia maoromaoro? [bsi05 Stadi Namba 5 rau 23 par. 28, 30]

9. Edena dala ai Keristani taudia ginigunadia idia hahedinaraia idia ura bada Dirava ena Hereva idia halasia? [bsi05 Stadi Namba 6 rau 24-5 par. 1-5]

10. Idia do noho maniuskrip bona Revareva Helagadia stadilaia karana ese dahaka ia hamomokania Baibel dekenai? [bsi05 Stadi Namba 6 rau 30 par. 32]

WIKI TA TA ENA BAIBEL DUAHIDUAHI

11. Hari inai negai, 1 Sivarai 29:5 Iehova ena taunimanima dekenai ena anina be edena bamona ita lalopararalaia?

12. Solomona be dubu helagana hahelagaia totona ia guriguri neganai, edena dala ai ia hahedinaraia Iehova be ena hesiai taudia edia orea sibona ia laloa lasi, to ia idia gari henia taudia ta ta edia noho dalana ia laloa danu? (2 Siv. 6:29, 30)

13. Goga, Magoga tauna ese Dirava ena taunimanima ia tuari henia matamaia neganai, dahaka ita karaia be namo 2 Sivarai 20:17 ena hereva hegeregerena?

14. Iuda ena King Usaia ena sivarai amo, dahaka ita dibaia iseda goada dekenai? (2 Siv. 26:15-21)

15. Satani ena tanobada dekenai do ia vara gauna be 2 Sivarai 20:22, 23 ese edena dala ai ia hahedinaraia namo herea?