Hesiai Hebou Ena Sediual

January 9 Purana

Ane 10

10 min: Kongrigeisen ena hadibaia herevadia. Rau  4 ai idia noho magasin herevalaia daladia eiava emu teritori ai oi gaukaralaia diba kiki herevadia ma haida amo, December 22 Awake! bona January 1 Watchtower hariharilaia dalana be haheitalai namodia rua amo hahedinaraia. Unai haheitalai ta lalonai, pablisa ta be bisinesi teritori dekenai ia haroro.

17 min: Dirava Ena Hereva Moalelaia Noho. Helai taudia ida July 1, 2002, Gima Kohorona, rau 12, paragraf 11-13 edia hereva umui kikilaia.

18 min: “Dirava Badinaia” Distrik Hebouhebou ena program riviulaia. Helai taudia ida kikilaia. Edena tok be pablisa taudia ia durua haroro gaukara idia karaia totona? Pablisa taudia ese hebouhebou amo idia dibaia gaudia idia badinaia bona unai ese idia ia durua edia haroro gaukara idia hanamoa dalana idia herevalaia.

Ane 125 bona guriguri.

January 16 Purana

Ane 178

10 min: Kongrigeisen ena hadibaia herevadia. Iseda Basileia Gaukara amo Hadibaia Hereva haida abia hidi. Momo ese Transfusion-Alternative Health Care​​—Meeting Patient Needs and Rights vidio do idia itaia ena palani oi gwauraia, unai amo umui hegaegae January 23 purana ena Hesiai Hebou ai umui herevalaia totona.

15 min: Iehova Ena Ura Ia Karaia Orea. Hereva henia bona helai taudia ida Iehova Ena Ura Ia Karaia Orea bukana ena rau 4-6 umui kikilaia. (Bema Orea bukana ia do ginidae lasi, mani Hesiai Gaukara bukana ena rau 4-7 oi gaukaralaia.) Miniti toi lalonai hamatamaia herevana be rau 4 amo oi henia murinai, rau 5 ia lao rau 7 ena sinado maragina be helai taudia ida umui kikilaia. Orea bukana ena kahana ma haida be Hesiai Hebou gabena ai do ita herevalaia.

20 min: “Taunimanima Laloa Bada​—Henanadai Henia Bona Kamonai Karana Amo.”a Paragraf 2 oi herevalaia neganai helai taudia oi nanadaia, dahaka henanadai be namo herevahereva hamatamaia totona. Haheitalai ta amo oi hahedinaraia, edena dala ai iseda henanadai namodia bona kamonai namonamo karana amo tau ta ena lalona ita veria diba.

Ane 107 bona guriguri.

January 23 Purana

Ane 60

10 min: Kongrigeisen ena hadibaia herevadia. Akaun ripoti duahia bona kontribusen dainai hanamoa hereva gwauraia. Rau  4 ai idia noho magasin herevalaia daladia eiava emu teritori ai oi gaukaralaia diba kiki herevana ma ta amo, January Awake! bona January 1 Watchtower hariharilaia dalana haheitalaia. Bema hegeregere, mero ta eiava kekeni ta ese haheitalai ia karaia be namo.

15 min: Sikuli Dekenai Idia Lao Lou. Helai taudia ida kikilaia. February lalonai, sikuli negana do ia hamatamaia. Keristani memero kekeni momo be tisa idaudia dekenai do idia siaia lao, kosi matamatadia do idia abia, bona idia diba lasi stiuden taudia danu do idia sikuli hebou. Iseda matamata taudia idia ura tisa taudia ida idia gaukara hebou namonamo bona turadia ida idia hebamo namonamo, to namona be idia laloaboio lasi, lauma dalanai dika idia davaria lasi totona, idia naria namonamo be gau badana. (1 Kor. 15:33) Keristani memero kekeni​—maragidia bona badadia​—be mai gari lasi ida tanobada ese idia abia isi karadia bona laloa daladia idia dadaraia, to idia “gima noho” totona, Iehova ena Hereva amo heduru idia tahua bona ena hakaua dalana idia badinaia be namo. (Sal. 119:​9, NW ) Namona be natudia edia namo idia laloa bada tama sina ese sikuli ena hadibaia gaudia idia diba, unai amo idia ese edia natudia dekenai dala maorona idia hadibaia diba. Bema sikuli eiava ma gabu ta dekenai idia hadibaia gaudia be Iehova ena hesiai taudia edia helaga bona goeva karadia do ia hadikaia, vadaeni idia dadaraia be gau badana. (1 Pet. 1:​15, 16) Danu, nega momo bese abia isi karadia, dina badadia moalelaia karana, spot gadara idauidau, eiava moale ariadia ese ta ena abidadama idia tohoa diba. Unai ibounai dekenai, Sikuli Bona Iehova Ena Witness Taudia bona Jehovah’s Witnesses and Education buklet be Keristani matamata taudia do ia durua. Natu maragidia edia tama sina ese tisa dekenai unai buklet idia henia bona idia herevahereva neganai, natudia be hekwakwanai aukadia do idia hanaia. Tama sina ese tisa dekenai idia hahedinaraia diba, unai buklet ese tisa do ia durua bena do ia laloparara dahaka dainai Iehova ena Witnes taudia be kara haida lalonai idia vareai lasi. Tisa be unai bamona gaudia ia diba neganai, ia be tama sina bona natudia ida do ia gaukara hebou namonamo. Ma danu, sikuli dekenai Witnes memero kekeni ese unai buklet ruaosi idia dogoatao be namo. Nega momo ma stiuden haida be ita abia dae gaudia idia henanadailaia neganai, ita haroro henidia diba.

20 min: “Memero Kekeni be Diari Bamona Do Idia Hedinarai.”b Memero kekeni oi nanadaia edena dala ai sikuli gabunai idia haroro diba. Reana idia ta eiava rua abia hegaegae guna, edia ekspiriens idia herevalaia totona.

Ane 205 bona guriguri.

January 30 Purana

Ane 197

10 min: Kongrigeisen ena hadibaia herevadia. Pablisa taudia hadibaia lou January ena haroro ripoti idia henia totona. February ena henia gauna gwauraia, bona kiki herevana ta haheitalaia.

20 min: “Medikol Heduru Dalana Badana ta Ia Hahedinaraia Vidio.” Kara 15:​28, 29 duahia, bona oi hahedinaraia Keristani taudia ese rara henia hanai karana idia dadaraia ena badina badana be, Dirava ena rara taravatuna idia matauraia. Bena maoromaoro, Patient Needs and Rights vidio umui kikilaia, rau 3 ai idia torea henanadai gaukaralaia. Dokonai, paragraf ginigabena duahia.

15 min: Haere Henia Dalana Oi Diba be Namo. Elda ta ese inai kahana do ia henia. Kolose 4:6 duahia bena Herevalaia bukana, rau 342-44 dekenai inai kahana “Bema Ta Ia Gwau​—” ena namo oi kikilaia. Haheitalai namodia rua hegaegaelaia, idia hahedinaraia edena bamona ita haere diba bema ta ia gwau: ‘Rara umui dadaraia dainai emui natudia idia mase. Lau laloa unai be dika rohoroho.’ Bona haheitalai iharuana ai hahedinaraia, edena bamona ita haere diba: ‘Bema doketa ia gwau, “Bema rara oi abia lasi do oi mase”?’

Ane 45 bona guriguri.

February 6 Purana

Ane 74

5 min: Kongrigeisen ena hadibaia herevadia.

15 min: Kongrigeisen durua herevana.

15 min: “Oi Abidadama Henia Herevadia amo Oi Sibona ‘Oi Ubua Noho.’ ”c Bema hegeregere, idia gwauraia siridia duahia bona herevalaia.

10 min: Heduru Painia ese Hahenamo Ia Mailaia. (Aon. 10:22) Vanegai March, April, eiava May lalonai heduru painia gaukara idia karaia tadikaka bona taihu oi nanadaia, edena dala ai unai gaukara idia karaia, bona unai gaukara idia karaia dainai idia davaria hahenamodia idia herevalaia. Ibounai hagoadaia mai guriguri ida idia laloa namonamo bema inai lagani ena March, April, bona May lalonai heduru painia gaukara idia karaia diba.

Ane 16 bona guriguri.

[Footnotes]