“Sibona Emu Stadi Karana Oi Moalelaia”

DAHAKA DAINAI MAI ANINA BADA? Dirava ena Hereva ita stadilaia neganai, “hereva momokani ena lababa, ena lata, ena atai, bona ena dobu do [ita] lalopararalaia momokani.” (Ef 3:18) Danu, ita ia durua inai kara dika tanobadana lalonai kara maoromaoro ita karaia bona “mauri ena hereva [ita] dogoatao goada” totona. (Fp 2:15, 16) Sibona eda stadi ai abia hidi ita karaia diba edena pablikeisen ita ura gaukaralaia Dirava ena Hereva ita stadilaia totona. Dahaka ita karaia diba iseda duahiduahi bona Baibel stadilaia karana amo namo ita abia totona?

KARAIA DALANA:

• Emu Baibel ai siri haida oi makaia bona nouti haida be reana pepa eiava elektronik kopi dekenai oi torea diba

• Dirava ena Hereva oi duahia neganai, inai henanadai haida oi laloa: ‘Daika, Dahaka, Edena negai, Edeseniai, Dahaka dainai, Edena dala ai?’

• Hamomokania gaudia tahua. Research tulu idauidau oi gaukaralaia diba, topik ta eiava Baibel siri ta oi tahua totona

• Oi duahia gauna oi laloa dobu, bona do oi badinaia daladia oi laloa

• Oi dibaia gaudia be emu dina ta ta maurina ai oi badinaia. ​—Lu 6:47, 48

VIDIO LADANA, SIBONA EMU STADI KARANA​—OI “DOGOATAO GOADA” NOHO ITAIA, BENA INAI HENANADAI HAERELAIA:

• Haida ese sibona edia stadi karana be edena bamona idia gwauraia?

• Sibona eda stadi ita do hamatamaia lasi neganai, dahaka dainai ita guriguri be namo?

• Dahaka ese ita ia durua diba Baibel ena sivarai ta ita lalopararalaia totona?

• Iseda Baibel lalonai, edena bamona maka haida ita atoa diba?

• Dirava ena Hereva ita stadilaia neganai, dahaka dainai laloa dobu karana be mai anina bada?

• Ita dibaia gaudia dekenai dahaka ita karaia be namo?