Iseda Haroro Bona Mauri Dalana Hebou Pepana Edia Referens
JANUARY 3-9
BAIBEL ENA HEREVA BADADIA | HAHEMAORO TAUDIA 15-16
“Ta Ena Mase Karaia Dalana be Kara Dikana!”
“Haheitalai Dikadia”
4 Hahemaoro Taudia 16:2 oi duahia neganai, Samson be Pilistia hanua Gasa dekenai ia noho. Hari, unai ladana Gasa be nega momo niusi lalonai idia gwauraia dainai, reana Samson ia noho gabuna oi diba, ia be Pilistia (Philistine) hanuana bona Meditereinien kone ena badinai ia noho. Mani Hahemaoro Taudia 16:3 ena hereva oi itaia: “Samson ia hekure ela bona hanuaboi momokani, vadaeni hanuaboi momokani dekenai ia toreisi, hanua ena magu iduara mai ena au danu, bona mai loka gauna danu ia veria daekau, iena pagana dekenai ia huaia lao, ela bona Heberona kahirakahira dekenai ia noho ororo ena ataiai dekenai.”
Hahemaoro Taudia Bukana Ena Hereva Badadia
14:16, 17; 16:16. Taitai bona maumau karana amo ta ena lalona oi ania karana ese hetura karana ia hadikaia diba.—Aonega Herevadia 19:13; 21:19.
Lalokau be Lasi—Inai Nega Ena Toana Ta!
15 Edena dala ai headava taudia ese edia lalokau bona badinaia heheni karana idia hagoadaia diba? Baibel ia gwau: “Oiemu eregabe dinadia neganai, oi adavaia hahine [o tau] do oi moalelaia” bona “oiemu adavana, oi ura henia hahine [o tau], danu do umui moale hebou.” (Aon. 5:18; Had. 9:9) Headava taudia idia buruka neganai, namona be idia gaukara goada ta ta idia naria bona edia hemami idia laloa totona. Anina be do idia hemataurai heheni, idia heduru heheni, bona nega idia atoa gau haida idia moalelaia hebou totona. Namona be idia hekwarahi edia headava, bona edia hetura karana Iehova ida idia gimaia totona. Unai idia karaia totona, namona be Baibel idia stadilaia hebou, idia haroro hebou, bona idia guriguri hebou. Unai amo Iehova ena hahenamo do idia abia.
IEHOVA OI BADINAIA
16 Kongrigeisen lalonai haida be kerere badana idia karaia neganai, ‘sisiba aukana’ idia abia unai amo “edia abidadama do ia goada.” (Tito 1:13) To, haida be idia helalo-kerehai lasi dainai, kongrigeisen amo idia atoa siri. “Matahakani amo diba idia abia taudia,” be edia hetura karana Dirava ida idia hanamoa lou. (Heb. 12:11) To edena bamona bema emu varavara o tura namona ta idia atoa siri? Eda kara ese do ia hahedinaraia ita be Dirava o idia atoa siri tauna ita badinaia. Iehova be ita ia raraia bema ita be iena taravatu do ita badinaia eiava lasi. Gau badana be Iehova ita badinaia.—1 Korinto 5:11-13 duahia.
Hakaua Hereva Namodia
w05-E 3/15 27 par. 6
“Tano Ibounai Do Oi Hanaia Lao”
Samson be ia gari lasi Filistia taudia ia tuari henia totona. Gasa ai, ariara hahinena ena ruma dekenai ia noho ena badina be ia ura Dirava ena inai taudia ia tuari henia. Samson be mahuta gabuna ia tahua dainai, hanuaboi tamona ai ariara hahine ena ruma dekenai ia mahuta. Samson be matabodaga lalohadaina ia abia lasi. Hanuaboi momokani ai hahine ena ruma ia rakatania, bena siti ena geiti bona ena kahana kahana ai idia noho du ruaosi ia kokia bona Heberona kahirakahira ia noho ororo ta ena ataiai ia abia daekau, ia raka ena daudau be 60 kilomita bamona Gasa hanua amo. Samson be Dirava ese ia henia goada amo unai ia karaia.—Hahemaoro Taudia 16:1-3.
JANUARY 10-16
BAIBEL ENA HEREVA BADADIA | HAHEMAORO TAUDIA 17-19
“Dirava Ena Taravatu Badinaia Lasi Karana ese Dika ia Havaraia”
it-2 390-391
Micah
1. A man of Ephraim. In violation of the eighth of the Ten Commandments (Ex 20:15), Micah took 1,100 silver pieces from his mother. When he confessed and returned them, she said: “I must without fail sanctify the silver to Jehovah from my hand for my son, so as to make a carved image and a molten statue; and now I shall give it back to you.” She then took 200 silver pieces to a silversmith, who made “a carved image and a molten statue” that afterward came to be in Micah’s house. Micah, who had “a house of gods,” made an ephod and teraphim and empowered one of his sons to act as priest for him. Although this arrangement was ostensibly to honor Jehovah, it was grossly improper, for it violated the commandment forbidding idolatry (Ex 20:4-6) and bypassed Jehovah’s tabernacle and his priesthood. (Jg 17:1-6; De 12:1-14) Later, Micah took Jonathan, a descendant of Moses’ son Gershom, into his home, hiring this young Levite as his priest. (Jg 18:4, 30) Mistakenly feeling satisfied with this, Micah said: “Now I do know that Jehovah will do me good.” (Jg 17:7-13) But Jonathan was not of Aaron’s lineage and thus was not even qualified for priestly service, which only added to Micah’s error.—Nu 3:10.
it-2 391 par. 2
Micah
Shortly thereafter, Micah and a company of men pursued the Danites. Upon catching up with them and being asked what was the matter, Micah said: “My gods that I made you have taken, the priest too, and you go your way, and what do I have anymore?” At that, the sons of Dan warned of possible assault if Micah continued following them and voicing protest. Seeing that the Danites were much stronger than his band, Micah returned home. (Jg 18:22-26) The Danites thereafter struck down and burned Laish, building the city of Dan on its site. Jonathan and his sons became priests to the Danites, who “kept the carved image of Micah, which he had made, set up for themselves all the days that the house of the true God [the tabernacle] continued in Shiloh.”—Jg 18:27-31.
Hakaua Hereva Namodia
Dirava Ena Hereva be Ia Mauri Noho
6 Hamomokania gaudia momo ese idia hahedinaraia Dirava ena ladana be Baibel ai ia noho be namo. New World Translation Baibel matamatana ai Dirava ena ladana be nega 7,216 ia hedinarai, anina be gabu matamata 6 ai idia atoa lou. Hegeregere 1 Samuela 2:25; 6:3; 10:26; 23:14, 16 ai, Dirava ena ladana idia atoa lou, badina vanegai idia davaria Mase Davara Lokua Toretoredia ai unai ladana ia noho. Bona Hahemaoro Taudia 19:18 ai Dirava ena ladana idia atoa lou danu, badina Baibel maniuskrip gunadia ai ia noho.
JANUARY 17-23
BAIBEL ENA HEREVA BADADIA | HAHEMAORO TAUDIA 20-21
“Iehova Ena Lalohadai Tahua Noho”
Emu Maduna Ia Metau Neganai, Pineha Oi Tohotohoa, A?
Beniamina iduhu ena hanua ladana Gibea ai, tatau haida ese Levi tauna ta ena adavana idia reipia bona hamasea neganai, iduhu ma haida idia ura Beniamina iduhuna idia tuari henia. (Hah. 20:1-11) Idia do tuari lasi neganai, Iehova idia guriguri henia, to nega rua idia kwalimu lasi bona momo idia mase. (Hah. 20:14-25) Iehova be edia guriguri ia kamonai lasi, a? Ia ura idia sibona ese Gibea taudia ese idia karaia kara dika do idia hamaoromaoroa, a?
Emu Maduna Ia Metau Neganai, Pineha Oi Tohotohoa, A?
Unai sivarai amo dahaka ita dibaia? Ena be elda taudia be hekwakwanai haida idia hamaoromaoroa toho bona idia gurigurilaia loulou, to unai hekwakwanai be idia ore haraga lasi. Bema unai ia vara, elda taudia be Iesu ena hereva idia laloatao be namo, ia gwau: “Umui noinoi noho, bona umui dekenai do idia henia. Umui tahua noho, bona do umui davaria, bona iduara dekenai umui pidipidi noho, bena do idia kehoa.” (Luka 11:9) Ena be Iehova ese elda taudia edia guriguri haida ia haerelaia haraga lasi, to idia diba iena nega korikori ai unai do ia karaia.
Hakaua Hereva Namodia
Baibel Ena Diksenari
Baibel negadiai tuari lalonai vilipopo be edena bamona idia gaukaralaia?
Ia be boromakau kopina, animal ena varovaro, ena huina, eiava ranu badinai idia tubu ava latadia amo idia karaia. Ena huana kahana be ia lababa bona unuseniai nadi idia atoa. Vilipopo ena dokona kahana ta be imana dekenai idia kwatua, bona ena dokona kahana ma ta be idia dogoatao bona vilipopo idia davea murinai idia ruhaia. Idaunegai besedia edia tuari oreana lalonai vilipopo gaukaralaia taudia idia abia hidi danu.—Hah 20:16; 1Sa 17:50.
JANUARY 24-30
BAIBEL ENA HEREVA BADADIA | RUTA 1-2
“Noho Hanaihanai Lalokauna Hahedinaraia”
Iehova Ena Turadia Tohotohoa
5 Ruta ena ruma bese be Moaba ai idia noho. Ia be idia dekenai ia giroa lou diba, bona idia ese ia do idia naria. Danu, Moaba taudia, edia gado, bona noho dalana ia diba. To, Betelehema taudia, edia gado, bona noho dalana ia diba lasi. Bona Naomi ese ia dekenai adavana ta o ruma ta ia henia diba lasi. Unai dainai Ruta ia noia Moaba dekenai do ia giroa lou. Opera be “iena bese taudia bona iena dirava dekenai ia giroa lou” hegeregerena. (Ruta 1:9-15) To, Ruta ia ura lasi iena bese taudia bona edia dirava koikoidia dekenai ia giroa lou.
Iehova Ena Turadia Tohotohoa
6 Toana be Ruta be iena adavana o Naomi amo Iehova ia dibaia. Ia diba Iehova be Moaba taudia edia dirava bamona lasi. Bona Iehova sibona ia lalokau henia bona ia tomadiho henia be maoro. Unai dainai Ruta be inai abia hidi ia karaia. Naomi ia hamaoroa: “Oiemu bese be lauegu bese do idia lao, bona oiemu Dirava be lauegu Dirava do ia lao.” (Ruta 1:16) Oibe, Ruta ese Naomi ia lalokau henia sibona lasi, to Iehova ia lalokau henia danu. Unai ese Boasi ia hamoalea, bona gabeai Ruta ia hanamoa, badina Dirava dekenai ia mai, ia ese ia naria totona. (Ruta 2:12 duahia.) Boasi ena hereva dainai, manu maragina be ena tamana ena apena henunai ia hunia karana ita laloa diba. (Sal. 36:7; 91:1-4) Unai hegeregerena, Iehova ese Ruta ia naria bona ena abidadama dainai hahenamo ia abia. Oibe, Ruta ia moale, badina abia hidi maorona ia karaia.
Hakaua Hereva Namodia
Ruta Bukana Ena Hereva Badadia
1:13, 21—Iehova ese Naomi ia kara auka henia bona ia dekenai hisihisi ia havaraia, a? Lasi, bona Naomi be Dirava dekenai kerere ta ia atoa lasi. To, ia dekenai idia vara gaudia ibounai ia laloa neganai, ia laloa Iehova ese ia dadaraia. Iena lalona ia hisihisi bada. Danu, unai nega ai idia laloa bema hahine ta be natudia ia abia, anina be unai be hahenamo ta Dirava amo, to bema hahine ta be gabani, unai be gau dikana. Naomi ia laloa Iehova ese ia hahemaraia badina ia be tubudia lasi bona ena natudia rua idia mase, bona reana unai bamona ia laloa be maoro.
JANUARY 31–FEBRUARY 6
BAIBEL ENA HEREVA BADADIA | RUTA 3-4
“Ladana Namona Dogoatao”
“Dabu Taudia Dekenai Hebogahisi mai Lalokauna Oi Hahedinaraia”
11 Ruta bukana ese vabu hahinena Naomi ena Moaba ravana hahinena Ruta, ia danu be vabu ta, be Naomi dekenai hebogahisi mai lalokauna ia hahedinaraia dalana ena sivarai ia gwauraia. Naomi ese ena lalona ia hadaia Betelehema, Iuda tanona dekenai, ia giroa neganai, Ruta ese hebogahisi mai lalokauna bona ura goada ia hahedinaraia, ia gwau: “Oi lao gabuna, be lau danu do lau lao, bona do oi noho gabuna dekenai lau danu do lau noho. Oiemu bese be lauegu bese do idia lao, bona oiemu Dirava be lauegu Dirava do ia lao.” (Ruta 1:16) Gabeai Ruta ese ena hebogahisi mai lalokauna ia hahedinaraia lou, badina ia hahedinaraia Naomi ena varavara Boasi do ia adavaia mai ena ura ida. (Deuteronomi 25:5, 6; Ruta 3:6-9) Boasi ese Ruta ia hamaoroa, ia gwau: “Hari oi karaia karana ena namo ese, oiemu kara namona oiemu ravana dekenai ia hereaia. Badina be uhau taudia momo idia noho, ogogami taudia, bona mai edia kohu taudia. To idia ta oi tahua lasi.”—Ruta 3:10.
12 Ruta ese ena taunimanima ia rakatania bona Naomi ia bamoa neganai, ena hebogahisi mai lalokauna be ena “ravana” dekenai ia hahedinaraia. (Ruta 1:14; 2:11) To “hari” ia hahedinaraia hebogahisi mai lalokauna—mai ena ura ida Boasi ia adavaia—ese unai ia hereaia. Ruta be Naomi, natuna havaraia laganidia ia hanaia vadaeni hahinena, totona natuna ta do ia abia diba. Boasi bona Ruta idia headava, bona gabeai Ruta ese natuna ia havaraia neganai, Betelehema ena hahine idia boiboi, idia gwau: “Naomi be mai ena natuna mero.” (Ruta 4:14, 17) Ruta be “hahine namona” momokani, bona unai dainai Iehova ese dala ia kehoa bona ia be Iesu Keriso ena tubuna hahinena ai ia lao.—Ruta 2:12; 3:11; 4:18-22; Mataio 1:1, 5, 6.
“Ruta Bukana Ena Hereva Badadia”
3:11—Dahaka dainai taunimanima ese Ruta idia gwauraia “hahine namona”? Ma haida ese Ruta ena ‘huina sitaelo sitaelo’ eiava ‘kopina dekenai herahera gaudia, bona dabua edia toana namo herea’ dainai idia ura henia lasi. To, ena ‘hairai korikorina lalona dekenai’—ena badinaia karana, lalokau, manau, gaukara goadagoada bona sibona ena ura dadaraia karana dainai, ia idia ura henia. Bema Dirava gari henia hahinena ia ura taunimanima ese Ruta idia ura henia bamona ia idia ura henia, namona be ia hekwarahi unai bamona kara ia hahedinaraia totona.—1 Petero 3:3, 4; Aonega Herevadia 31:28-31.
“Iehova Ena Lohia Siahuna Abia Isi!”
9 Iehova ese ena taunimanima ibounai ia lalokau henia. Danu, ia ese idia ta ta ia laloa bada. Mani oi laloa, lagani 300 bamona lalonai, Iehova ese hahemaoro taudia ia gaukaralaia Israela besena be edia inai taudia amo ia hamauria totona. Unai ia vara noho lalonai, Iehova ese Israela lasi hahinena Ruta ia itaia. Ruta be gau momo ia dadaraia, bona tomadiho momokani ia badinaia. Unai dainai Iehova ese Ruta ia hanamoa bona ia dekenai adavana ia henia bona natuna ta danu. To unai sibona lasi. Ruta ia toreisi lou neganai, do ia dibaia gauna be iena natuna be Mesia ia mai besena amo. Bona mani Ruta ena hemami oi laloa, bema ia kamonai iena mauri sivaraina danu be Baibel bukana Ruta lalonai idia torea!—Ruta 4:13; Mat. 1:5, 16.
Hakaua Hereva Namodia
Ruta Bukana Ena Hereva Badadia
4:6—Dahaka dainai tano do ia hoia lou tauna ia ura lasi tano ia hoia? Gau ginigunana be, bema ta ia ogogami dainai ena tano ia hoihoilaia, unai tano do ia hoia lou tauna do ia duahia lagani hida idia noho ela bona Iubili gabena, bena unai hegeregerena davana do ia gwauraia. (Levitiko 25:25-27) Unai bamona ia karaia neganai, sibona ena tano ena davana do ia hamaragia. Danu, bema Ruta ese natuna mero ta ia havaraia, unai natuna ese idia hoia lou tanona do ia abia, to tano ia hoia lou tauna ena varavara ese do idia abia lasi.
FEBRUARY 7-13
BAIBEL ENA HEREVA BADADIA | 1 SAMUELA 1-2
“Guriguri amo Iehova Dekenai Emu Hemami Oi Gwauraia”
Baibel Stadi amo Emu Guriguri Dalana Oi Hanamoa
14 Hana be Elikana ena adavana ta, bona ia be ia guriguri bona mai abidadama ida ia kara. Ia be natuna ia havaraia lasi dainai, Penina, mai ena natuna hahinena ese ia kirikirilaia. Dubu helaga dekenai Hana be gwauhamata ia karaia, bema natuna mero ta ia havaraia, Iehova dekenai do ia henia. Ia guriguri lalonai ena uduna bibina ia mareremarere dainai, Hahelaga Tauna Badana Eli ia laloa ia inuinu kekero. To, gabeai ia laloparara Hana be ia kekero lasi neganai, ia gwau: “Dirava ese oiemu noinoi gauna oi dekenai do ia henia.” Ena be Hana ia diba lasi dahaka do ia vara, to ia abidadama momokani Iehova ese ena guriguri do ia haerelaia. Unai dainai, iena “lalohisihisi ia ore.”—1 Sam. 1:9-18.
15 Samuela ia vara bona rata ia rakatania murinai, Hana ese ia abia lao dubu dekenai Iehova ena hesiai gaukara helagana ia karaia totona. (1 Sam. 1:19-28) Hana ese ia gwauraia gurigurina oi laloa dobu neganai, emu guriguri dalana do ia hanamoa bona do oi itaia ena be hekwakwanai dainai oi lalohisihisi, to unai hekwakwanai oi hanaia diba bema oi abia dae momokani Iehova ese emu guriguri do ia haerelaia.—1 Sam. 2:1-10.
Iehova ese Oi Dekenai Lalomaino Ia Henia
5 Hana be guriguri amo Iehova dekenai ena lalohekwarahi ibounai ia gwauraia hedinarai. Bona ia guriguri murinai, ena hekwakwanai be Hahelaga Tauna Badana Eli dekenai ia herevalaia. Bena Eli ese ia hamaoroa: “Mai oiemu maino danu do oi lao, bona Israela ena Dirava ese oiemu noinoi gauna oi dekenai do ia henia.” Dahaka ia vara? Hana be “iena dala dekenai ia lao, ia aniani, bona iena lalohisihisi ia ore.” (1 Sam. 1:17, 18) Guriguri karana ese Hana ia durua lalomaino ia abia totona.
Hakaua Hereva Namodia
Samuela Ginigunana Bukana Ena Hereva Badadia
2:10—Dahaka dainai Hana ia guriguri Iehova ese “iena king dekenai siahu do ia henia,” to unai negai tanobada king ta be Israela ai ia do lohia lasi? Mose ena taravatu lalonai ia peroveta vadaeni, tanobada ai Israela taudia be king ta do idia abia. (Deuteronomi 17:14-18) Iakobo ia mase gwauraia neganai, ia peroveta: “Kepata, lohia ena toana, be Iuda ese do ia dogoatao, bona haida ese do idia kokia lasi.” (Genese 49:10) Danu, Iehova ese Sara—Israela taudia edia tubuna hahine—ia herevalaia neganai, ia gwau: “Iena tubuna haida be dohore king taudia.” (Genese 17:16) Vadaeni, Hana be vaira negana ena king totona ia guriguri.
FEBRUARY 14-20
BAIBEL ENA HEREVA BADADIA | 1 SAMUELA 3-5
“Iehova be Ma Haida Ia Laloa Bada”
Siahu Ibounai Diravana be Ita Ia Laloa Bada
3 Samuela be ia mero maragi neganai, dubu helaga dekenai Iehova ena “hesiai gaukara” ia karaia. (1 Sam. 3:1) Hanuaboi ta Samuela ia mahuta murinai, gau idauna ta ia vara. (1 Samuela 3:2-10 duahia.) Samuela ia kamonai gado ta be iena ladana ia boiria. Samuela ia laloa Hahelaga Tauna Badana Eli ese ia boiria noho, unai dainai ia heau lao bona ia gwau: “Oi ese lau oi boiria, lau mai inai!” Eli ia gwau: “Oi dekenai lau boiboi lasi.” Ma nega rua unai bamona ia vara neganai, Eli ia laloparara Dirava ese Samuela ia boiria noho. Vadaeni mero ia hadibaia edena bamona do ia haere, bona Samuela ia kamonai. Dahaka dainai matamanai Iehova ese ena aneru amo Samuela ia hadibaia lasi daika ese ia boiria? Baibel ese unai ia hahedinaraia lasi, to Iehova be unai bamona ia karaia badina Samuela ena hemami ia laloa. Edena dala ai?
Siahu Ibounai Diravana be Ita Ia Laloa Bada
4 1 Samuela 3:11-18 duahia. Iehova ena taravatu ia gwau, natudia ese buruka taudia idia matauraia be namo, hegeregere lohia taudia. (Eso. 22:28; Lev. 19:32) Oi laloa Samuela be mai gari lasi ida dabai do ia lao Eli dekenai Dirava ena hahemaoro hereva aukana do ia gwauraia totona, a? Lasi! Badina unai sivarai amo ita diba Samuela ese “Lohiabada ena hereva, be Eli dekenai do ia hamaoroa totona, be ia gari.” To, Dirava ese Eli dekenai ia hahedinaraia Ia ese Samuela ia boiria. Unai dainai, Eli ese Samuela ia oda henia do ia hereva totona. Ia gwau: “Lau dekena amo gau ta do [oi] hunia lasi.” Samuela be mai hemataurai ida Eli dekenai “hereva ibounai” ia gwauraia.
Hakaua Hereva Namodia
Samuela Ginigunana Bukana Ena Hereva Badadia
3:3—Samuela be momokani Helaga Herea Gabuna lalonai ia mahuta, a? Lasi. Samuela be hahelaga lasi Levi tauna, Kohata iduhu amo. (1 Sivarai 6:33-38) Unai dainai, ia “raka vareai kava, bona helaga gaudia do [ia] itaia” diba lasi. (Numera 4:17-20) Samuela be mai ena maoro palai dubu ena ariara sibona ia gaukaralaia totona. Reana ia be unuseniai ia mahuta. Reana, Eli danu be ariara ena kahana ta dekenai ia mahuta. Inai hereva “Dirava ena Taravatu Maua ia noho gabuna” ese palai dubuna ena ariara ia herevalaia.
FEBRUARY 21-27
BAIBEL ENA HEREVA BADADIA | 1 SAMUELA 6-8
“Daika be Emu King?”
it-2 163 par. 1
Kingdom of God
A Human King Requested. Nearly 400 years from the time of the Exodus and over 800 years from the making of God’s covenant with Abraham, the Israelites requested a human king to lead them, even as the other nations had human monarchs. Their request constituted a rejection of Jehovah’s own kingship over them. (1Sa 8:4-8) True, the people properly expected a kingdom to be established by God in harmony with his promise to Abraham and to Jacob, already cited. They had further basis for such hope in Jacob’s deathbed prophecy concerning Judah (Ge 49:8-10), in Jehovah’s words to Israel after the Exodus (Ex 19:3-6), in the terms of the Law covenant (De 17:14, 15), and even in part of the message God caused the prophet Balaam to speak (Nu 24:2-7, 17). Samuel’s faithful mother Hannah expressed this hope in prayer. (1Sa 2:7-10) Nevertheless, Jehovah had not fully revealed his “sacred secret” regarding the Kingdom and had not indicated when his due time for its establishment would arrive nor what the structure and composition of that government would be—whether it would be earthly or heavenly. It was therefore presumptuous on the part of the people now to demand a human king.
Elda Taudia E, Treinini Henia Karana Umui Laloa Bada, A?
16 Mai ura ida oi karaia, oi dadaraia lasi. Matamanai Samuela ia kamonai Israela taudia idia ura tau ta do idia abia hidi edia king ai ia lao neganai, ia badu bona ia mamia idia ese ia idia ura henia lasi. (1 Sam. 8:4-8) Ia ese edia ura ia dadaraia, to Iehova ese nega toi ia hadibaia edia hereva do ia kamonai. (1 Sam. 8:7, 9, 22) Ena be Samuela ia badu, to ena gabu do ia abia tauna dekenai ia mama lasi. Iehova ese Samuela ia hamaoroa Saulo do ia horoa neganai, Samuela be Iena hereva ia badinaia badina Iehova ia lalokau henia.
Iehova Ena Lohia Dalana Ia Kwalimu!
9 Gabeai idia vara gaudia ese idia hamomokania Iehova ena hadibaia herevana be momokani. Oibe, Israela ena king dikadia ese hekwakwanai momo idia havaraia. Israela taudia edia haheitalai amo ita laloparara dahaka dainai hari inai negai Iehova idia diba lasi taudia edia gavamani be noho namona idia mailaia lasi. Momokani, politikol ena lohia taudia haida be Dirava idia noia goadagoada idia ia durua maino bona noho namo idia havaraia totona, to ita diba Dirava be iena lohia dalana idia dadaraia taudia ia durua diba lasi.—Sal. 2:10-12.
Hakaua Hereva Namodia
Dahaka Dainai Bapatiso Oi Abia be Namo?
13 Iehova ena Witnes taudia ese bapatiso idia do abia lasi neganai, edia kara idia haidaua guna be gau badana. Mai ena kudouna ibounai ida Keriso Iesu murinai ia raka tauna ia ura ena kara ia haidaua. Unai bamona taudia ese guna idia badinaia dala kererena idia dadaraia bona edia lalona idia hadaia Dirava ena matana ai ia maoro dalana do idia badinaia. Baibel lalonai, Heberu bona Greek gado ai, kara haidaua karana idia herevalaia herevadia edia anina be ia giroa lao, o giroa lou. Unai kara ena anina be dala kererena amo ita giroa bona Dirava dekenai ita lao. (1 King Taudia 8:33, 34) Unai kara haidaua karana be ‘kara ta do ita karaia, iseda lalona giroa hamomokania totona.’ (Kara 26:20) Kara haidaua karana be tomadiho koikoi do ita rakatania, Dirava ena hahegani ita badinaia, bona Iehova sibona ita tomadiho henia. (Deuteronomi 30:2, 8-10; 1 Samuela 7:3) Iseda kara ita haidaua neganai, iseda laloa dalana, ita tahua gaudia, bona kara toana do idia idau. (Esekiela 18:31) Dirava ia ura lasi karadia ita kokia bona mauri matamatana ita atoa neganai, iseda ‘lalona ia giroa.’—Kara 3:19; Efeso 4:20-24; Kolose 3:5-14.
FEBRUARY 28–MARCH 6
BAIBEL ENA HEREVA BADADIA | 1 SAMUELA 9-11
“Matamanai Saulo be Manau Tauna”
Mai Manau Danu Dirava Ida Oi Raka
11 Mani King Saulo dekenai ia vara gauna ita laloa. Ia matamata neganai ia be manau tauna. Danu, ia laloparara iena diba bona goada be hegeregere lasi, bona ia ura lasi maduna ma haida ia abia. (1 Sam. 9:21; 10:20-22) To gabeai, Saulo be ia hekokoroku bona ia be maoro lasi do ia karaia gaukara haida ia karaia. King ai ia lao murinai, unai kara dikana ia hahedinaraia. Dina ta, King Saulo be peroveta tauna Samuela ia naria noho lalonai, ia haheauka lasi. Saulo be mai manau ida Iehova ese iena taunimanima do ia hamauria karana ia naria lasi, to boubou gauna ia gabua ena be unai be iena maduna lasi. Unai dainai, Saulo ese Iehova ena lalonamo ia haboioa bona Iehova ese ena king dagina amo ia kokia. (1 Sam. 13:8-14) Oibe, unai haheitalai dikana amo ita diba, bema gaukara ta be iseda maduna lasi, namo lasi mai hekokoroku ida unai gaukara ita karaia.
Sibona Eda Ura Ita Dadaraia Dalana
8 King Saulo ena sivarai amo ita dibaia gauna be inai: Bema ita naria namonamo lasi, sibona eda namo do ita laloa bada bona ma haida edia namo do ita laloa lasi. Saulo ia lohia matamaia neganai, ia manau bona ma haida edia namo ia laloa bada. (1 Sam. 9:21) Dirava ese Saulo dekenai king dagina ia henia neganai, Israela taudia idia maumau, to Saulo ese idia ia panisia lasi. (1 Sam. 10:27) King Saulo ese Dirava ena lauma ena hakaua dalana ia badinaia dainai, Israela taudia be Amono taudia idia tuari henia neganai, idia kwalimu. Unai murinai, Saulo ese mai manau ida Iehova ena ladana ia hanamoa.—1 Sam. 11:6, 11-13.
Amono Taudia—Badu amo Hebogahisi Ena Davana Idia Haloua
Amono taudia ese badu amo Iehova ena hebogahisi ena davana idia haloua unai. Iehova ese edia dagedage ia laloa maragi lasi. “Saulo be [Nahasa ena] hereva ia kamonai neganai, Dirava ena Lauma ese ia hasiahua bada herea, bona ia badu dikadika danu.” Dirava ena lauma ese ia hakaudia hegeregerena, Saulo ese tuari taudia 330,000 ia haboua, bena Amono taudia ia hadarerea vaitani dainai, “ta ta sibona idia heau, rua idia heau hebou lasi.”—1 Samuela 11:6, 11.
Hakaua Hereva Namodia
Samuela Ginigunana Bukana Ena Hereva Badadia
9:9—Inai hereva “hari idia gwauraia ‘peroveta’ tauna, be gunaguna ‘mata hanai’ tauna idia gwauraia” ena anina be dahaka? Reana unai hereva ena anina be Samuela bona Israela ena king edia negai, peroveta taudia ese gaukara badana idia karaia, unai dainai inai hereva “mata hanai” tauna be “peroveta” tauna idia gwauraia. Samuela be peroveta tauna ginigunana.—Kara 3:24.