Tanobada ai Maino Ia Noho​—Edena Dala ai Do Ia Vara?

Baibel ena haere

Dirava ena Basileia ese tanobada ai maino do ia havaraia to taunimanima be hegeregere lasi unai idia havaraia totona. Unai guba gavamani be Keriso Iesu ese do ia lohiaia. Mani Baibel ese vaira nega namona ia herevalaia dalana ita itaia.

1. Dirava ese “tanobada ibounai lalonai tuari [do] ia haorea,” unai dala amo ena gwauhamata do ia hagugurua. Bona “tanobada ai ia lalonamo henia taudia be maino do idia abia.”​—Salamo 46:9; Luka 2:14.

2. Dirava ena Basileia be guba amo, tanobada ibounai do ia lohiaia. (Daniela 7:14) Unai guba gavamani ese tanobada ia lohia neganai, bese abia isi karana do ia haorea. Unai be hekwakwanai momo idia vara ena badina.

3. Iesu, Dirava ena Basileia ena Lohia, be “Maino Lohiana,” bona kara ta do ia karaia unai amo “maino be do ia doko lasi.”​—Isaia 9:6, 7.

4. Tuari idia ura karaia noho taudia be Dirava ena Basileia henunai do idia noho lasi. Badina Dirava ese “dagedage karadia ia ura henia tauna ia badu henia.”​—Salamo 11:5; Aonega Herevadia 2:22.

5. Dirava ese ena taunimanima dekenai maino ai noho dalana do ia hadibaia. Baibel ese unai do ia vara dalana ia gwauraia. “Edia tuari kaia be tano geia gaudia ai do idia halaoa, edia io be au rigidia utua kaia ai do idia halaoa. Bese ta ese bese ma ta do ia tuari henia lasi, bona tuari do idia dibaia lou lasi.”​—Isaia 2:3, 4.

Tanobada hegegemadai lalonai, Iehova ena Witnes taudia milioni be, Dirava amo maino ai noho dalana idia dibaia vadaeni. (Mataio 5:9) Herevana ai be bese idauidau taudia, bona tano 230 lalonai ai noho. To emai tadikaka ai tuari henia lasi.