Lalo-Tamona Ia Havaraia Hetura Karana

[Box on page 16]

Iehova ena Witness taudia be tadikaka bona taihu lauma dalanai; unai sibona lasi, to idia hetura heheni danu. Ena be edia bese be idauidau, to idia iboudiai ese Iesu Keriso ena hahegani idia badinaia dainai, idia hetura heheni diba. (Ioane 15:14) Dirava ese unai bamona hetura karana ia hanamoa, bona unai ese idia ia hatamonaia bona idia ia naria, mamoe seri be edia magu lalonai idia noho namo bamona.​—Mika 2:12.

Ruma haginia gaukara gabuna ta dekenai nega momo hetura bona lalo-tamona karana be lasi. To Iehova ena Witness taudia ese edia Kingdom Hall rumadia dina rua lalodiai idia haginidia neganai, idia hetura heheni momokani bona idia gaukara hebou namonamo. Hegeregere, United States, England, bona Wales amo idia mai Witness taudia ese edia diba, hebou rumana haginia karana dekenai idia kikilaia hebou. Unai amo dahaka ia vara?

England amo biriki atoa gaukara ia karaia Witness tauna ta, ladana Roger, ia gwau: “Guna, nega ta inai bamona kara lau itaia lasi. Biriki atoa gaukara taudia bona kapenta taudia ese edia gaukara idia karaia hebou. Witness lasi gaukara taudia be unai bamona idia gaukara hebou diba lasi. To Kingdom Hall haginia gabuna dekenai tadikaka haida ese guhi dekenai idia gaukara negana lalonai, henunai, biriki atoa taudia bona kapenta taudia, penipeni taudia bona geda atoa taudia be nega tamona idia gaukara noho. Iboudiai idia gaukara hebou. Unai be hereadae momokani!”

Malcolm be Wales amo, ia gwau: “Tadikaka iboudiai be mai edia lalo-tamona ida Dirava ena ladana dekenai idia gaukara hebou neganai, Dirava be ena lauma helaga amo edia gaukara ia hanamoa.”

This article has been taken partly from w85-E 5/15 “True Friends​—How to Find Them,” box on page 7.