Pepapepa be Iseda Magasin bona Buka Haida Ida Ita Hariharilaia Hebou Toho
1 Hari idia halasia magasin iboudiai amo, Gima Kohorona bona Noga! magasin sibodia ese duahia taudia idia durua mauri hanaihanai idia abia totona. Taunimanima ida umui herevahereva neganai, idia haida be Basileia ena sivarai do idia ura kamonai, unai neganai magasin matamatadia eiava Society ena buklet mai ena kala idauidau idia dekenai oi hahedinaraia. Reana haida be idia ura bada lasi kamonai. Unai neganai, reana pepapepa amo hereva ta eiava rua oi kikilaia; bema ia ura oiemu hereva ia kamonai neganai, oi hariharilaia magasin eiava buklet oi hahedinaraia.
2 Reana oi gwau:
◼ “Hari taunimanima momo idia diba hekwakwanai momo idia noho to hanamoa daladia be momo lasi. Hari idia vara hekwakwanai badadia haida be Baibel ese ia perovetalaia, unai oi diba, a?” Bena reana Inai Tanobada Do Ia Ore Eiava? pepapepana ena rau 4 bona 5 oi kehoa bona hekwakwanai haida umui kikilaia.
3 Bema Gima Kohorona oi hariharilaia bona oiemu hamatamaia herevana ai, pepapepa amo oi gwauraia herevana be ruma tauna ia ura bada kamonai neganai, magasin lalonai sivarai namona ta oi abia hidi bona Iesu ese taunimanima edia hekwakwanai ibounai do ia haorea sivaraina ia dekenai oi gwauraia. Bena ruma tauna dekenai magasin bona pepapepa oi hariharilaia toho, bona oi hamaoroa nega namona ta ai do oi giroa lou hereva ma haida umui kikilaia totona.
4 Bema oi be “Noga!” magasin oi hariharilaia neganai, paragraf 2 dekenai ia noho hamatamaia herevana oi gaukaralaia diba, bona oi gwau:
◼ “Taunimanima momo be tomadiho bona politikol taudia ese iseda hekwakwanai do idia koua karana idia hamomokania lasi, to idia laloa saiens taudia ese hekwakwanai do idia koua. Noga! magasin lalonai unai ia herevalaia sivaraina ta oi abia hidi, bona ia gwauraia hekwakwanai umui kikilaia. Memero bona kekeni momo ese unai sivarai do idia ura kamonai, hegeregere stiuden taudia.
5 “Itaia!” buklet oi gaukaralaia neganai, dala idauna ta oi gaukaralaia diba, reana oi gwau:
◼ “Taunimanima momo idia laloa ita mase neganai, dahaka ia vara ita dekenai. Haida idia gwau hel ena lahi gabuna eiava guba dekenai ita lao; haida idia daradara. Baibel ena haere be hoa gauna bona ita ia hagoadaia.” Bena reana Helaro Namona Mase Taudia Totona be Ia Noho A? pepapepana oi hahedinaraia bona hereva haida umui kikilaia hebou. Bema ruma tauna ia ura bada kamonai neganai, buklet ena rau 16 bona 17 oi kehoa bona oi kikilaia.
6 Bema Mauri mai Mainona Tanobada Matamatana Lalonai pepapepana oi gaukaralaia, pepapepa ena paragraf ginigunana ai ia noho henanadai rua be ruma tauna dekenai oi gwauraia diba. Ia haere neganai, rau 3 ena paragraf ginigunana oi hahedinaraia ia dekenai. Tanobada matamata mai mainona do ia havaraia Basileiana ia gwauraia. Bema ruma tauna ia ura kamonai neganai, unai sivarai ia herevalaia magasin ta oi henia toho.
7 Bema oi be pablisa matamata ta, taunimanima hereva henia auka lasi daladia do oi moalelaia. Namona be Inai Tanobada Do Ia Ore Eiava? pepapepadia haida oi abia bona paragraf 2 ai ia noho herevadia oi badinaia, ani?
8 Ita moale badina hahemauri sivaraina ita abia lao taunimanima edia ruma dekenai. ‘Kamonai taudia’ ita tahudia noho lalonai, namona be iseda pepapepa ita gaukaralaidia namonamo, bona kamonai taudia ita davaridia neganai, buka bona magasin ita herevalaidia neganai, pepapepa ita gwauraia hedinarai danu.—Mat. 10:13.
[Questions]
1. (a) Dahaka heduru be Gima Kohorona bona Noga! magasin ese idia henia? (b) Bema ruma tauna be ia ura bada lasi ia kamonai, dahaka oi karaia be namo?
2, 3. Bema pepapepa amo ruma tauna ena lalona oi veria hereva ia kamonai totona, edena bamona magasin danu oi hahedinaraia diba?
4. Noga! magasin be edena bamona ita gwauraia hedinarai diba?
5. Itaia! buklet ita hariharilaia neganai, edena dala idauna amo ita gwauraia hedinarai diba?
6. Mauri mai Mainona Tanobada Matamatana Lalonai pepapepana be edena bamona oi gwauraia hedinarai?
7. Dahaka dainai pepapepa be mai anina bada pablisa matamatadia dekenai?