Pepapepa Hariharilaia Gaukara Badana
October 16–November 12!
1 “Tomadiho Koikoi be Kahirakahira Do Ia Ore!” Unai be Basileia Sivaraina Namba 37 ena hereva kwarana, bona murina hua ai unai pepapepa be tanobada hegegemadai do idia hariharilaia. October ena wiki ginigunadia rua lalonai, Gima Kohorona bona Awake! magasin do ita hariharilaia. Bena Monday, October 16, ia lao Sunday, November 12 ai, Basileia Sivaraina Namba 37 do ita hariharilaia. Wikeni negadia, unai pepapepa be magasin matamata ida do ita hariharilaia hebou.
2 Daidia ese Idia Karaia Diba?: Basileia sivarai idia harorolaia goadagoada taudia ibounai ese unai gaukara idia karaia diba. Haida be heduru painia gaukara do idia karaia. Emu natudia eiava Baibel stadi taudia be lauma dalana idia goada idia lao, a? Namona be idia oi durua elda taudia idia itaia totona, unai amo bapatiso lasi pablisa ai idia lao diba. Namona be elda taudia ese haroro lasi pablisa idia hagoadaia unai gaukara idia durua totona, reana idia goada pablisa danu idia gaukara hebou diba.
3 Basileia Sivaraina Namba 37 be kongrigeisen ibounai dekenai do ai siaia, unai amo pablisa bona painia taudia be kopi 50 idia abia diba. Pablisa ai idia do lao lasi kamonai taudia be kopi faiv idia abia diba, edia ruma bese eiava turadia dekenai idia henia totona. Namona be ibounai ese idia hariharilaia pepapepa ena namba be October bona November ripoti pepadia ena murina kahana ai, idia torea. Seketere ese kongrigeisen ia hariharilaia pepapepa ibounai ena namba do ia haboua, bena October bona November edia hua dokonai brens opesi dekenai do ia siaia. Bema Basileia Sivarai hariharilaia gaukarana ia ore murinai pepapepa haida idia do noho, namona be hesiai gaukara lalonai umui gaukaralaia diba.
4 Dahaka Do Oi Gwau?: Emu hamatamaia herevana oi hakwadogia, unai amo taunimanima momo dekenai pepapepa oi hariharilaia diba. Oi gwau diba: “Inai gaukara be tanobada hegegemadai ai karaia, bona taunimanima ibounai dekenai inai mai anina bada pepapepana ai hariharilaia noho. Inai be oiemu kopi. Mani emu kara oi duahia.” Namona be kamonai taudia ibounai edia ladana oi torea.
5 Teritori Karaia Dalana: Dala ai unai pepapepa ita hariharilaia lasi, to namona be ruma-ta-ruma-ta bona bisinesi teritori ai ita hariharilaidia. Bema taunimanima be edia ruma dekenai idia noho lasi, rekodi ita karaia, bona nega idauna eiava wiki ena dina ma ta ai ita giroa lou. Monday, November 6 amo, taunimanima idia noho lasi rumadia ai pepapepa ta ita rakatania diba. To bema kongrigeisen ena teritori be bada dainai idia gwauraia negana lalonai ita haorea diba lasi, namona be elda taudia ese tadikaka idia hadibaia, Basileia Sivaraina pepapepa be taunimanima lasi rumadia ai idia rakatania diba.
6 “Babulonia Badana” ia ore negana be ia mai kahirakahira noho. Ia idia do hadikaia lasi neganai, taunimanima be ia amo idia heau siri be gau badana. (Apok. 14:8; 18:8) Namona be palani oi karaia tanobada hegegemadai do idia karaia gaukarana oi durua totona, taunimanima ibounai oi hadibaia tomadiho koikoi be kahirakahira do ia ore!