Jewova
Non l
Non Jewova a vle di “Li fè vin tounen”
Ki sa Jewova vin tounen, sa vle di ki sa l fè tèt li vin tounen pou l ka pran swen sèvitè l yo?
Sa k fè sangtifikasyon non Jewova se bagay ki pi enpòtan?
Poukisa Jewova, Souvren linivè a, merite pou nou obeyi l?
Kèk tit Jewova genyen
Toupisan — Jen 17:1; Re 19:6
Papa — Mt 6:9; Jan 5:21
Gran pwofesè — Eza 30:20
Chèf lame yo — 1Sa 1:11
Wa letènite — 1Ti 1:17; Re 15:3
Majeste — Eb 1:3; 8:1
Sila a ki nan pi gwo pozisyon an — Jen 14:18-22; Sm 7:17
Mas Wòch — Dt 32:4; Eza 26:4
Seyè ki Souvren an — Eza 25:8; Am 3:7
Kalite estrawòdinè Jewova genyen
Ki jan Jewova montre byen klè li sen, e ki efè sa ta dwe genyen sou sèvitè l yo?
Eg 28:36; Le 19:2; 2Ko 7:1; 1P 1:13-16
Istwa nan Bib la ki kapab ede w:
Eza 6:1-8 — Pwofèt Ezayi te santi l boulvèse lè l te resevwa yon vizyon ki te montre jis nan ki pwen Jewova sen, men, gen yon serafen ki te fè l sonje menm lèzòm ki pechè kapab pwòp nan je Bondye.
Wm 6:12-23; 12:1, 2 — Apot Pòl esplike ki jan nou ka goumen ak tandans nou genyen pou n fè peche a epi kontinye chèche gen “yon lavi ki sen”.
Jis nan ki pwen Jewova gen anpil pisans, e ki fason li sèvi avè l?
Eg 15:3-6; 2Kw 16:9; Eza 40:22, 25, 26, 28-31
Istwa nan Bib la ki kapab ede w:
Dt 8:12-18 — Moyiz, ki te yon pwofèt, te fè pèp Izrayèl la sonje tout bon bagay yo genyen se Jewova ki ba yo l grasa pisans li.
1Wa 19:9-14 — Jewova te fè yon seri aksyon estrawòdinè ki demontre pisans li pou l te ankouraje pwofèt Eli ki te deprime.
Poukisa jistis Jewova san parèy?
Dt 32:4; Jb 34:10; 37:23; Sm 37:28; Eza 33:22
Istwa nan Bib la ki kapab ede w:
Dt 24:16-22 — Jan Lwa Moyiz la fè n konn sa, jistis Jewova toujou ann amoni ak mizèrikòd li ansanm ak lanmou l.
2Kw 19:4-7 — Wa Jozafa te fè jij li te nome yo sonje jijman y ap fè yo dwe baze sou jistis Jewova, yo pa dwe baze sou sa lezòm di.
Ki sa k montre Jewova pi saj pase tout moun nèt?
Sm 104:24; Pw 2:1-8; Jr 10:12; Wm 11:33; 16:27
Gade tou Sm 139:14; Jr 17:10
Istwa nan Bib la ki kapab ede w:
1Wa 4:29-34 — Jewova te beni wa Salomon, li te ba l yon sajès okenn lòt moun nan epòk li a pa t genyen.
Lk 11:31; Jan 7:14-18 — Jezi te gen plis sajès pase Salomon; men, avèk imilite, li te rekonèt se Jewova ki te ba l sajès li te genyen an.
Ki sa Jewova fè ki montre lanmou se pi gwo kalite li gen lakay li?
Jan 3:16; Wm 8:32; 1J 4:8-10, 19
Istwa nan Bib la ki kapab ede w:
Mt 10:29-31 — Jezi te sèvi ak egzanp tikit yo pou l te montre nou jis nan ki pwen Jewova renmen chak sèvitè l yo e li ba yo anpil valè.
Mk 1:9-11 — Pandan Jewova nan syèl la, li te pale ak Pitit Gason l lan, li te fè tout sa yon paran dwe fè pou pitit li: li te fè konnen li se pitit li, li renmen l e li pran plezi nan li.
Ki lòt rezon ki fè nou renmen Jewova? Bib la montre kèk pami bèl kalite Jewova genyen yo...
Li wè tout bagay — 2Kw 16:9; Pw 15:3
Li pa janm chanje; nou ka fè l konfyans — Ml 3:6; Jk 1:17
Li gen konpasyon — Eza 49:15; 63:9; Za 2:8
Li la pou toutan; li pa gen ni kòmansman, ni fen — Sm 90:2; 93:2
Li renmen bay — Sm 104:13-15; 145:16
Li gen anpil pouvwa — Re 4:1-6
Li gen kè kontan — 1Ti 1:11
Li gen imilite — Sm 18:35
Li gen bonte — Lk 6:35; Wm 2:4
Li fidèl — Re 15:4
Li gen anpil glwa — Sm 8:1; 148:13
Li gen mizèrikòd — Eg 34:6
Li gen pasyans — Eza 30:18; 2P 3:9
Li renmen lapè — Fp 4:9
Li gen jistis — Sm 7:9
Plis n ap aprann konnen Jewova, ki santiman n ap vin gen pou li?
Fason pou nou sèvi Jewova
Ki sa k montre Jewova pa mande sèvitè l yo fè plis pase sa yo ka fè?
Istwa nan Bib la ki kapab ede w:
Dt 30:11-14 — Lalwa Bondye te bay pa mwayen Moyiz la pa t twò difisil pou Izrayelit yo te obeyi.
Mt 11:28-30 — Jezi imite Papa l yon fason ki pafè, li te asire disip li yo li se yon bon Mèt.
Poukisa li nòmal pou nou fè louwanj pou Jewova?
Sm 105:1, 2; Eza 43:10-12, 21
Gade tou Jr 20:9; Lk 6:45; Tr 4:19, 20
Istwa nan Bib la ki kapab ede w:
Sm 104:1, 2, 10-20, 33, 34 — Moun ki te ekri Sòm 104 la te jwenn anpil bagay nan kreyasyon an ki te ba l rezon pou l fè louwanj pou Jewova.
Sm 148:1-14 — Tout sa Jewova kreye yo ap ba l louwanj, zanj yo ladan l tou.
Ki jan konduit nou ka bay temwayaj sou Jewova?
Poukisa nou dwe chèche vin pi pwòch Jewova?
Nan ki sans imilite ka ede nou pwoche bò kote Bondye?
Ki wòl lekti Labib ak meditasyon jwe nan ede nou pwoche bò kote Jewova?
Poukisa l enpòtan anpil pou n aji ann amoni ak sa n aprann sou Jewova?
Poukisa nou pa dwe janm eseye kache anyen pou Jewova?
Jb 34:22; Pw 28:13; Jr 23:24; 1Ti 5:24, 25
Istwa nan Bib la ki kapab ede w:
2Wa 5:20-27 — Geyazi te eseye kache peche l te fè a, men Jewova te fè pwofèt Elize konnen laverite.
Tr 5:1-11 — Anànyas ak Safira t ap kache peche yo te fè a, men Jewova te fè wè sa yo te fè a e li te pini yo paske yo t ap bay lespri sen manti.