Jan pou nou prezante peryodik yo
La Tour de Garde 1ye janvye
Li Jenèz 2:16, 17. Epi di moun nan: “Gen moun ki di Bondye te konnen Adan t apral peche depi alavans. Gen lòt ki panse avètisman Bondye te bay la t ap montre Bondye gen ipokrizi lakay li si l te deja konnen sa k pral pase. E ou menm ki sa w panse? [Kite moun nan reponn.] Atik ki kòmanse nan paj 13 la esplike ki jan Bondye sèvi ak kapasite l genyen pou l konnen lavni an.”
Réveillez-vous! Janvye
“Gen moun ki kwè lafwa yon moun k ap pratike yon relijyon plis chita sou emosyon pase l chita sou larezon. E ou menm, ki sa w panse? [Kite moun nan reponn.] Selon Labib, lafwa yon moun pa dwe avèg. [Li 1 Jan 4:1.] Atik ki kòmanse nan paj 28 la esplike kòman nou ka asire nou lafwa nou chita byen fèm sou larezon.”
La Tour de Garde 1ye fevriye
“Jodi a, li kouran pou moun divòse; dapre ou menm, sa k fè sa? [Kite moun nan reponn.] Gade yon konsèy anpil moun marye twouve ki itil yo. [Li 1 Korentyen 10:24.] Peryodik sa a egzamine sis bagay byen souvan ki konn fè mari ak madanm pa satisfè e li montre lè yo aplike prensip ki nan Bib la, kòman sa ka ede yo anpil.”
Réveillez-vous! Fevriye
“Sanble moun vin enterese anpil nan zafè vanpi, nan maji ak bòkò. Èske w panse lè yon moun enplike nan bagay mistik, pa gen okenn danje nan sa? [Kite moun nan reponn.] Gade yon mizangad Bondye te bay pèp Izrayèl nan tan lontan an. [Li Detewonòm 18:10-12.] Peryodik sa a montre sa Bib la di sou bagay mistik.”