Jan pou nou prezante peryodik yo
La Tour de Garde 1ye janvye
“Èske w panse monn nan t ap yon pi bon kote pou moun viv si tout moun te suiv prensip sa a nou jwenn nan Bib la? [Li Women 12:18. Apre sa, kite moun nan reponn.] Èske w pa janm mande tèt ou poukisa nan tan lontan Bondye te konn voye pèp li a al fè lagè ak lòt nasyon? Atik sa a montre repons klè Bib la bay pou kesyon sa a.” Montre moun nan atik ki nan paj 13 la.
Réveillez-vous! Janvye
Li Travay 17:31a. Apre sa, di moun nan: “Pou anpil moun, afè Bondye gen yon jou jijman an fè yo pè. E ou menm, ki jan w santi w lè w tande pale de sa? [Kite moun nan reponn.] Bib la fè nou konnen Bondye pral pote anpil benediksyon pou tè a lè jou jijman an. Atik sa a esplike kòman sa pral fèt.” Montre moun nan atik ki kòmanse nan paj 10 la.
La Tour de Garde 1ye fevriye
“Gen anpil moun ki kwè se nan syèl yo prale apre yo fin mouri. Èske w ta renmen al viv nan syèl tou? [Kite moun nan reponn.] Gade ki rekonpans Bib la di Bondye rezève pou pifò bon moun yo. [Li Sòm 37:29.] Peryodik sa a egzamine sa Bib la di konsènan moun ki pral viv nan syèl yo e li esplike sa yo pral fè.”
Réveillez-vous! Fevriye
“Jodi a li kouran pou moun divòse. Èske w panse pifò koup marye sa yo pran tan pou yo reflechi sou tout konsekans sa genyen anvan yo deside divòse? [Kite moun nan reponn. Apre sa, li Pwovèb 14:15.] Peryodik sa a montre kat bagay moun marye yo dwe reflechi sou yo lè yo gen entansyon divòse.”