Jan pou nou prezante peryodik yo
La Tour de Garde 1ye avril
“Gen liv ki fè konnen Jezi pa t mouri vre jan Bib la mansyone sa, men li te gen yon madanm e li te gen pitit. Èske w deja tande jan de pawòl sa yo? [Kite moun nan reponn.] Li trèzenpòtan pou nou konnen laverite. [Li Jan 17:3.] Atik sa a bay plizyè rezon ki fè nou dwe mete konfyans nou nan sa Labib di konsènan Jezi.” Montre moun nan atik ki kòmanse nan paj 26 la.
Réveillez-vous! Avril
Li Sòm 37:9-11. Apre sa, mande moun nan: “Ki jan w panse monn nan ap ye lè pawòl sa yo reyalize? [Kite moun nan reponn.] Atik sa a fè referans ak pwofesi ankourajan sa a e li esplike poukisa nou wè anpil zak mechanste nan monn nan jodi a.” Montre moun nan atik ki kòmanse nan paj 20 an.
La Tour de Garde 1ye me
“Èske w janm mande tèt ou poukisa Bondye pèmèt soufrans? [Kite moun nan reponn.] Remake jan yon ekriven biblik eksprime yon kesyon anpil moun poze. [Li Sòm 10:1.] Peryodik sa a egzamine sa Bib la di konsènan rezon ki fè Bondye pèmèt soufrans ak sa l ap fè pou l soulaje yo.”
Réveillez-vous! Me
“Anpil moun ta renmen sispann fimen, men yo twouve li vrèman difisil pou yo rive fè sa. Èske w konnen yon moun ki ta renmen kite fimen? [Kite moun nan reponn.] Gen moun ki twouve li itil pou yo chèche èd zanmi yo ak fanmi yo. [Li Eklezyas 4:12a.] Peryodik sa a bay kèk sijesyon pratik pou ede yon moun sispann fimen.”