LAVI NOU ANTANKE KRETYEN
Chèche konnen panse Bondye
Nou vle fè Jewova plezi nan tout bagay (Pw 27:11). Pou n fè sa, nou bezwen pran desizyon ki reflete fason l panse menm lè pa gen yon lwa oswa yon kòmandman klè pou gide nou. Ki sa k ka ede nou fè sa?
Kenbe yon pwogram etid Labib ki regilye. Chak fwa nou li Bib la se kòmsi n ap pase tan ak Jewova. Nou ka aprann fason Jewova panse lè n obsève jan l te boule ak pèp li a e lè n egzamine egzanp moun ki te fè bon oswa move bagay nan je Jewova. Lè n bezwen pran yon desizyon, lespri sen ka fè n sonje leson ak prensip enpòtan nou te aprann nan pawòl Bondye a. — Jn 14:26.
Fè rechèch. Lè w gen pou w pran yon desizyon, mande tèt ou: ‘Ki vèsè oswa ki istwa nan Bib la ki ka ede m konprann fason Jewova santi l anrapò ak sitiyasyon an?’ Priye Jewova pou l ede w, epi sèvi ak zouti pou fè rechèch òganizasyon an ban nou ki disponib nan lang pa w la pou ede w jwenn epi aplike prensip biblik ki gen rapò ak sitiyasyon w lan. — Sm 25:4.
GADE VIDEYO KI GEN TIT NOU DWE “KOURI AVÈK ANDIRANS” — MANJE MANJE KI GEN VITAMIN, EPI REPONN KESYON KI ANNAPRE YO:
Ak ki presyon jèn sè nan videyo a t ap fè fas?
Ki jan w ka sèvi ak zouti pou w fè rechèch yo pou ede w jere presyon menm jan an?
Ki byenfè nou jwenn lè nou pran tan pou n fè rechèch ak bonjan etid pèsonèl ki ka ede nou pran bon desizyon? — Eb 5:13, 14