Kèk Konsèy Sou Fason Pou n Etidye

Èske w byen pwofite esplikasyon yo bay sou vèsè nan Bib la nan Gid pou Temwen Jewova yo fè rechèch la?

Esplikasyon sa yo kapab ede w fouye pi fon nan Pawòl Bondye a. Epitou, yo ka gen yon seri enfòmasyon sou evènman yo rapòte nan yon vèsè nan Bib la pou ede w wè ki jan sa te pase, rezon ki fè yo te ekri l, kiyès sa konsène, oubyen ki sa yon mo oswa yon ekspresyon vle di egzakteman.

Kit ou al nan BIBLIYOTÈK SOU ENTÈNÈT Watchtower oswa nan JW Library^®, ou kapab jwenn referans ki nan Gid pou fè rechèch la dirèkteman pandan w sou yon vèsè nan Bib la. Ou kapab jwenn referans sa yo nan espas ki rezève pou etid la nan Tradiksyon monn nouvo a, nan kèlkeswa lang ou te telechaje l.

Lè w ap sèvi ak referans sa yo, byen gade ki lè yo te parèt. W ap jwenn atik ki fèk parèt yo anlè lis la. Pi ba nan lis la w ap jwenn atik ki te la anvan yo e ka gen ajisteman ki te fèt ladan yo.

• Referans yo bay pou vèsè yo nan Gid pou fè rechèch la monte otomatikman nan BIBLIYOTÈK SOU ENTÈNÈT Watchtower a.

• Pou referans pou vèsè yo parèt nan JW Library, w ap bezwen enstale Gid pou fè rechèch la epi fè mizajou yo lè yo disponib. W ap ka fè sa lè w klike sou kote ki ekri telechaje a ki pa anlè espas ki rezève pou etid la nan nenpòt chapit nan Bib la.