Kantik 65 (152)
Ann montre nou apresye konpasyon Bondye
1. Konesans, sajès, ak richès,
Se nan Ya ou jwenn tousa !
Moun pa ka dekouvri Jijman l,
Yo pa konn wout Jewova !
Kiyès nan nou ki ba l konsèy
Oubyen ki pote l sekou,
Pou l ta vin gen yon dèt pou nou,
Pou l peye nou anretou ?
2. Ann montre nou rekonesan
Pou gran konpasyon Bondye.
Annou ba l tout lavi nou nèt,
Jistis li trè mèveye.
Piske nou deja fè yon ve,
Ann respekte l san febli.
Ann sèvi ak tout bonsans nou
Pou nou fè Bondye plezi.
3. Pou nou pa suiv chemen monn nan,
Ann renouvle lespri nou.
Grasa pouvwa laverite,
Lafwa n pi solid chak jou.
Ann priye pou Bondye beni n,
Ann sèvi l ak modesti,
Ann montre lanmou youn pou lòt,
Lapè ak lajwa, n ap jwi.