Kantik 73 (166)
Gade lame Jewova a !
1. Gad lame Jewova,
Ki lib, k ap preche.
Y ap fè konn Wayòm nan
Kot Kris ap reye.
Y ap vanse avèk kran,
Tout se volontè.
Yo byen detèmine,
Epi yo pa pè.
Yo fè Bondye konfyans,
Yo suiv Jezi Kris,
Y ap di moun avèk jwa :
“ Bondye Wa, li jis. ”
2. Gad sèvitè Bondye,
K ap chèche mouton
Ki, nan chèn Babilòn,
Prizonye toutbon.
Y ap chèche sove yo
Pa mwayen vizit.
Yo di yo vin nan Sal,
Pou y’aprann pi vit.
Lè yo jwenn yon mouton,
Yo pran swen l nòmal,
Yo ba l bon ansèyman,
Pou pwogrè l total.
3. Gad gwo foul la ansanm
Ak rès fidèl la,
Yo tout suiv lòd Jezi,
Ak anpil lafwa.
Yo aji ak pridans,
E yo inosan,
Malgre pèsekisyon,
Yo fidèl vrèman.
Yo kontan onore
Bondye ki Souvren.
Nan chemen ki dwat la,
Y ap pwospere byen.