REPONS BIB LA BAY
Ki moun ki pral nan syèl e ki sa yo pral fè?
Gen plizyè milyon moun ki gen espwa yo pral viv nan syèl. Jezi te di apot fidèl li yo t apral viv nan syèl. Anvan Jezi mouri, li te pwomèt yo li pral prepare yon plas pou yo nan syèl la bò kote Papa l. — Li Jan 14:2.
Poukisa gen moun sou tè a k ap resisite pou y al viv nan syèl? Ki sa yo pral fè nan syèl la? Jezi te di apot li yo t apral wa. Yo pral dirije tè a. — Li Lik 22:28-30; Revelasyon 5:10.
Èske tout bon moun pral nan syèl?
Se yon kantite moun tou piti k ap dirije pifò peyi. Piske Jezi ap resisite moun pou y al nan syèl dekwa pou yo dirije tè a, nou ka atann moun yo chwazi pou al nan syèl yo pap anpil (Lik 12:32). Bib la di ki kantite moun egzakteman ki pral dirije avèk Jezi. — Li Revelasyon 14:1.
Jezi prepare yon plas nan syèl la pou kèk nan disip li yo. Èske w konnen ki sa yo pral fè nan syèl la?
Se pa moun ki pral nan syèl yo sèlman k ap jwenn benediksyon. Moun fidèl ki pral viv anba dominasyon Wayòm Bondye a, ki gen Jezi Kris kòm Wa, pral jwenn lavi etènèl sou tè a ki pral tounen yon paradi (Jan 3:16). Pami moun sa yo, gen ladan yo k ap chape lè Bondye pral detwi sistèm Satan an e y ap antre nan monn nouvo a. Tandiske gen lòt moun se resisite y ap resisite pou yo ka viv nan Paradi a. — Li Sòm 37:29; Jan 5:28, 29.