Èske n kapab ofri liv Créateur a ?

Ane pase nou te byen kontan resevwa liv Y a-t-il un Créateur qui se soucie de vous ? Se yon liv yo fè espesyalman pou moun ki fè gwo etid men ki pa kwè nan Bondye. Liv la la pou satisfè yon bezwen ki pa sispann ogmante.

Pou rezon ki pratik, òf mwa a konn vize pito piblikasyon ki enterese pifò moun nan piblik la. Èske sa vle di pou nou ezite ofri liv Créateur a ? Pa ditou ! Nou ka ofri liv la nenpòt lè nan ane a bay moun ki pa kwè nan Bondye men ki kapab tire pwofi ladan. Nou ka prezante l tou bay moun ki kwè nan Bondye men ki pa konnen vrèman ki moun li ye, ki kalite li genyen, ki objektif li. Alòs nou ankouraje w toujou mete youn nan valiz predikasyon ou, konsa ou kapab tou pare pou ofri li bay nenpòt moun ou panse ki va enterese li l.