Jan pou nou prezante peryodik yo
La Tour de Garde 15 out
“ Daprè ou menm, nan ki domèn li pi enpòtan pou nou montre nou fidèl ? [Kite moun nan reponn.] Atik sa a montre nesesite pou nou fidèl devan vrè Dye a. [Ale nan paj 5, epi li 2 Samyèl 22:26.] Èske w te konnen lè yon moun fidèl devan Bondye, sa ka ede l montre lanmou nan fason l ap aji ak lòt moun ? Mwen sèten w ap kontan li atik sa a. ”
Réveillez-vous! 22 out
“ Lè w ap gade jan pwoblèm polisyon an depase pouvwa lèzòm, èske sa konn trakase w ? [Kite moun nan reponn.] Sa ki plis lakòz pwoblèm sa a, se gaspiyaj. Jezi te aprann disip li yo pou yo pa fè gaspiyaj. [Li Jan 6:12.] Peryodik sa a montre ki jan tout fanmi ki suiv prensip ki nan Bib la ka rejte mantalite ki fè moun fè gaspiyaj. ”
La Tour de Garde 1ye sept.
“ Daprè ou menm, ki sa Bondye vle nou fè, antanke kretyen ? [Kite moun nan reponn.] Bib la ankouraje nou pou nou imite egzanp Jezi Kris, pi gwo gason ki pase sou tè a. [Li 1 Pyè 2:21.] Peryodik sa a esplike ki jan nou ka imite Jezi lè n ap anseye Pawòl Bondye. ”
Réveillez-vous! 8 sept.
“ Anpil moun jodi a pa konnen ki sa demen ap pote pou yo. [Li Eklezyas 9:11.] Ki kote nou ka jwenn yon bonjan direksyon ? [Kite moun nan reponn.] Gen moun ki lage kò yo nan sa yo rele nimewoloji. Èske se mwayen sa a k ap pèmèt nou konnen avni nou ? Ki kote nou ka jwenn bonjan enfòmasyon sou lavni ? Réveillez-vous ! sa a reponn kesyon sa yo. ”