Revizyon pou asanble sikonskripsyon an

Y ap sèvi ak kesyon sa yo nan pwogram reyinyon sèvis la yon ti tan anvan asanble sikonskripsyon an e yon ti tan apre kongregasyon an fin asiste asanble sikonskripsyon pou ane sèvis 2006 la. Siveyan prezidan an ap pran dispozisyon pou kongregasyon an jwenn yon apèsi sou pwogram asanble a e pou l fè revizyon sou li, selon enstriksyon ki nan paj 4 Ministè Wayòm out 2004 la. Pandan revizyon an, yo dwe poze tout kesyon yo. Atire atansyon sou fason nou ka aplike enstriksyon nou te resevwa nan asanble a.

PREMYE JOU

1. Kòman nou abiye ak nouvo pèsonalite a e poukisa nou dwe konsève li ?

2. Ki sa kèk moun fè pou yo ogmante patisipasyon yo nan predikasyon ?

3. Poukisa nou dwe evite konpare tèt nou ak lòt moun ?

4. Ki sa manm fanmi yo ka fè pou yo demontre yo gen nouvo pèsonalite a nan relasyon yo youn ak lòt ?

5. Ki jan nou ka montre nou youn ap soutni lòt fidèlman anndan kongregasyon an ?

6. Poukisa nou bezwen demontre nou gen nouvo pèsonalite a nan predikasyon ?

7. Ki sa bonjan meditasyon gen ladan l, e ki byenfè nou jwenn nan jan de meditasyon sa a ?

8. Ki kalite k ap rann nou maleyab nan men Jewova ?

DEZYÈM JOU

9. Ki enpòtans sa genyen pou nou sèvi ak lang nou yon fason ki kòrèk ?

10. Ki byenfè sa bay lè nou itilize yon langaj ki kòrèk ak kòlèg nou, ak kondisip nou oswa ak lòt moun ankò ?

11. Ki jan nou ka aplike konsèy Pòl bay nan Efezyen 4:25-32 nan relasyon nou ak kwayan parèy nou ?

12. Ki fason ki pi onorab pou nou sèvi ak lang nou ?

13. Ki sa nou dwe fè pou nou venk mechan an ?

14. Nan ki domèn nou dwe fè efò pou nou rete san tach parapò ak monn nan ?

15. Poukisa nou dwe renouvle moun nou ye pa anndan an chak jou, e ki jan nou ka fè sa ?

16. Ki konsèy ou te resevwa nan asanble sikonskripsyon ane sa a ou pran dispozisyon pou w aplike ?