Jan pou nou prezante peryodik yo
La Tour de Garde 1ye novanm
“ Èske w panse si moun ki marye yo te aplike konsèy nou pral li la a, relasyon yo antanke mari ak madanm t ap vin pi solid ? [Li Jòb 31:1. Kite moun nan reponn.] Atik sa a egzamine kèk prensip biblik ki ka ede de moun marye yo respekte angajman yo te pran jou maryaj yo a. ” Atire atansyon moun nan sou atik ki kòmanse nan paj 18 la.
Réveillez-vous! Novanm
Pifò moun rekonèt resous ki nan lanmè yo ap fini tèlman vit, sa fè moun enkyè. Èske w panse gouvènman lèzòm yo ap rive rezoud pwoblèm sa a ? [Kite moun nan reponn. Apre sa, li Matye 6:10.] Atik sa a egzamine kèk nan rezon nou genyen pou nou enkyè e li atire atansyon sou solisyon Bondye pral pote pou pwoblèm sa a rezoud. ” Montre moun nan atik ki kòmanse nan paj 20 an.
La Tour de Garde 1ye desanm
“ Nan epòk sa a nan ane a, anpil moun ap panse a Jezi. Ki enfliyans ou panse Jezi gen sou ou ? [Kite moun nan reponn.] Bib la ankouraje nou suiv egzanp Jezi. [Li 1 Pyè 2:21.] Si nou fè sa, nou ka vin yon pi bon moun, yon moun ki gen plis kè kontan. Peryodik sa a esplike rezon ki fè sa. ”
Réveillez-vous! Desanm
“ Sa fè plizyè santèn ane lèzòm ap reflechi sou kesyon sa a. [Montre moun nan kesyon ki sou paj kouvèti a.] Ki kote w panse nou ka jwenn yon repons ki pou satisfè nou ? [Kite moun nan reponn.] Gade ki rezon nou genyen ki fè nou ka konte sou Bondye pou nou jwenn yon repons. [Li Sòm 100:3.] Peryodik sa a montre sa Labib di sou kesyon an. ”