Jan pou nou prezante peryodik yo
Toudegad 1ye desanm
“ Nou tout ta renmen mennen yon vi ki gen sans e ki bay kè kontan. Èske w dakò ak sa Jezi te di nan vèsè sa a konsènan kle ki bay kè kontan ? [Li Matye 5:3. Epi kite moun nan reponn.] Peryodik sa a esplike lè nou satisfè bezwen fondamantal nou genyen pou nou adore Bondye, yon bezwen nou fèt avè l, sa kapab bay lavi nou yon sans. ”
Réveillez-vous! Novanm
“ Nan epòk sa a kote lasyans ap fè anpil pwogrè e kote moun gen tandans doute sou anpil bagay, gen moun ki panse Bib la se yon liv ki demode. E ou menm sa w panse ? [Kite moun nan reponn.] Èske w konnen tout sa Bib la di ki gen rapò ak lasyans, se bagay ki egzak ? [Li Jòb 26:7.] Nan nimewo Réveillez-vous ! espesyal sa a, w ap jwenn bonjan rezon ki montre poukisa nou ka gen konfyans nan Bib la. ”
La Tour de Garde 1ye desanm
“ Ki jan w t ap reponn kesyon sa a ? [Li kesyon yo poze sou kouvèti peryodik la. Epi kite moun nan reponn.] Objektif Bondye genyen se pou l rive ini lèzòm. [Li Sòm 46:8, 9.] Peryodik sa a montre sa Bib la di sou fason inite sa a pral reyalize. ”
Réveillez-vous! Desanm
“ Gen moun ki panse lè yon moun fin mouri, l al kontinye viv yon lòt kote. Gen lòt moun ki kwè lè yon moun mouri, tout bagay fini. Èske w panse lanmò se yon bagay nou dwe pè ? [Kite moun nan reponn.] Remake sa Jòb te panse konsènan sa k t ap rive si l ta mouri. [Li Jòb 14:14, 15.] Peryodik sa a byen esplike sa Bib la di sou sa k rive moun yo lè yo mouri. ”