Kèk modèl prezantasyon

Pou nou kòmanse etid biblik premye samdi nan mwa jen an

“Nou tout gen fanmi oswa zanmi ki mouri. Èske gen espwa yon jou n ap wè moun sa yo ankò? [Kite moun nan reponn.] Gade yon pawòl rekonfòtan nou jwenn nan peryodik sa a.” Ale nan Toudegad 1^ye jen an (fransè), li enfòmasyon nou jwenn anba premye soutit ki nan paj 16 la ansanm ak moun nan. Ansuit, li youn nan tèks biblik yo bay kòm referans yo. Apre sa, ofri moun nan peryodik yo, epi pran randevou pou nou retounen vin reponn kesyon ki vin apre a.

La Tour de Garde 1^ye jen

“Se lite anpil nan nou ap lite pou nou viv, e gen moun ki pa menm ka jwenn sa ki nesesè pou yo viv. Èske w panse yon lè n ap ka viv san pa gen okenn moun pòv ankò? [Kite moun nan reponn. Apre sa, li Sòm 9:18.] Peryodik sa a atire atansyon nou sou sa ki lakòz povrete e li montre sa Bib la di sou vrè solisyon pou pwoblèm nan.”

Réveillez-vous! Jen

“Afè teworis la vin tounen yon pwoblèm mondyal. Ki sa w panse ki fè sa? [Kite moun nan reponn.] Pawòl sa yo nou jwenn nan Bib la ban nou espwa yon lè pwoblèm sa a ap fini. [Li Sòm 72:7, 14.] Peryodik sa a esplike kèk nan rezon ki fè gen teworis, li montre sa Bib la di sou fason teworis gen pou fini e ki lè sa ap fèt.”