Ede yo pou yo “vin fèm nan lafwa”

Se pa ti kontan nou kontan lè nou wè jan Jewova ap beni pèp li a. Gen plis pase san senkant mil moun ki batize chak ane (Det. 28:2). Yonfwa yon pwoklamatè ede yon moun rive nan pwen pou fè l batize, pwoklamatè a konn gen tandans kanpe etid la epi li pase plis tan ap ede lòt moun. Etidyan an tou ka gen tandans kanpe etid li a dekwa pou l pase plis tan nan travay predikasyon an. Sepandan, li enpòtan anpil pou yon etidyan byen konnen laverite. Li bezwen “anrasinen” nan Kris e li bezwen “vin fèm nan lafwa”. (Kol. 2:6, 7; 2 Tim. 3:12.) Kidonk, apre yon etidyan fin batize, pwoklamatè k ap kondui etid la dwe kontinye fè etid la jiskaske etidyan an fini liv Sa Labib anseye a ak liv “Lanmou Bondye” a. — Gade Ministè Wayòm avril 2011, paj 2.