Lè nou mennen yon vi ki senp, sa ede n bay Bondye louwanj

Jodi a, li fasil pou n konplike lavi nou ak yon pakèt bagay. Nou bezwen tan ak enèji pou n achte bagay materyèl yo, pou n sèvi ak yo, pou n pran swen yo e pou n pwoteje yo. Jezi te mennen yon vi ki senp yon fason pou bagay materyèl pa t anpeche l konsantre sou travay predikasyon l t ap fè a. — Mt 8:20.

Ki sa w ka fè pou w fè lavi w pi senp yon fason pou w ka fè plis nan travay predikasyon an? Èske gen yon moun lakay ou ki ka fè kèk ajisteman pou l sèvi antanke pyonye? Menmsi w nan sèvis aplentan deja, èske w kite bagay materyèl konplike lavi w tikras pa tikras? Si w mennen yon vi ki senp nan sèvis Jewova, w ap gen kè kontan e w ap jwenn satisfaksyon. — 1Ti 6:7-9.

Ekri kèk fason ou ka fè lavi w vin pi senp.