Chèche vin pi maton nan travay predikasyon an — Preche tout moun ki nan tèritwa w la

REZON KI FÈ SA ENPÒTAN: Zakari te gentan fè konnen moun ki t ap soti nan tout lang nasyon yo pale t ap byen reyaji lè yo tande bon nouvèl la (Za 8:23). Men, kiyès k ap ba yo fòmasyon (Wm 10:13-15)? Nou gen privilèj ak responsablite pou n pataje bon nouvèl la ak tout moun ki nan tèritwa nou ladan l lan. — od 84 § 10-11.

FASON POU NOU FÈ L:

• Prepare. Èske w konn rankontre moun ki pale yon lòt lang? Ou kapab itilize aplikasyon JW Language la pou w aprann yon ti prezantasyon tou senp. Oubyen ou ka sèvi ak yon aparèy mobil pou w montre yon moun kòman li ka jwenn plis enfòmasyon sou sit jw.org la nan pwòp lang pa l.

• Se pou w yon bon obsèvatè. Menmsi w ap preche kay an kay pwofite tout okazyon w jwenn pou w preche moun k ap pase yo oubyen moun k ap ret tann nan machin. Si w ap patisipe nan temwayaj an piblik ret konsantre sou objektif ou ki se bay temwayaj.

• Fè tout sa w kapab. Fè efò pou w retounen vizite moun ou pa t jwenn lakay yo. Nan chak kay ou pase, fè efò pou w pale ak yon moun, petèt sa ka mande pou w retounen yon lòt lè nan jounen an oswa yon lòt jou nan semèn nan. Gen kèk moun pou nou rive preche yo, gendwa se ekri nou oblije ekri yo yon lèt, rele yo nan telefòn oswa preche yo lè nou jwenn yo nan lari.

• Kontinye montre ou enterese nan yo. Depi yon moun montre li enterese, menmsi se toupiti, retounen vizite l san pèdi tan. Si moun nan pale yon lòt lang, fè efò pou w jwenn yon moun ki pale lang li an byen pou ede l. Ou ta dwe kontinye vizite moun nan jiskaske pwoklamatè ki pale lang li an kontakte l. — od 94 § 39-40.

GADE VIDEYO YO PRECHE “NAN ZÒN KI PI LWEN SOU TÈ A” EPI REPONN KESYON KI VIN APRE YO:

• 

  Ki preparasyon frè ak sè yo te fè pou yo rive kontakte moun ki nan tèritwa ki lwen yo? (1Ko 9:22, 23)

• 

  Ki difikilte yo te jwenn?

• 

  Ki benediksyon yo te jwenn?

• Ki efò w ka fè pou w rive kontakte plis moun nan tèritwa w la?