TREZÒ KI NAN PAWÒL BONDYE A | LIK 8–9
Ki sa sa mande pou nou suiv Jezi?
Yon moun k ap raboure tè ki vle fè tras ki dwat pa t dwe vin distrè afòs l ap panse ak bagay li kite dèyè. Menm jan an tou, yon kretyen pa dwe kite bagay li kite dèyè nan monn nan fè l distrè. — Fp 3:13.
Lè n ap fè fas ak sitiyasyon ki difisil, li fasil pou n panse jan sa te pi bon lontan, petèt anvan nou te aksepte laverite. Byen souvan, lè konsa nou met nan tèt nou bagay yo pa t pi mal pou nou pase sa epi nou gendwa panse kè nou te pi kontan anvan. Se konsa Izrayelit yo te aji apre yo te fin kite peyi Ejip (Nb 11:5, 6). Si nou pa sispann reflechi konsa, nou gendwa vin anvi retounen viv jan nou te konn viv anvan an. L ap pi bon lontan pou n panse ak benediksyon nou jwenn depi kounye a epi reflechi sou tout jwa nou pral jwenn alavni lè Wayòm Bondye a pral dirije! — 2Ko 4:16-18.