“Fè Jewova kado kèk bagay”

Ki jan nou kapab “fè Jewova kado kèk bagay jodi a”? (1Kw 29:5, 9, 14.) Pi ba a, n ap jwenn plizyè fason nou ka chwazi fè ofrann volontè pou n soutni aktivite Temwen Jewova yo nan zòn kote n ap viv la ak nan lemonnantye.

OFRANN NOU FÈ SOU ENTÈNÈT OSWA NOU METE NAN BWAT OFRANN:

• 

  TRAVAY MONDYAL LA

  konstwi biwo filyal ak biwo tradiksyon ki pa nan Betèl epi fè yo fonksyone

  lekòl teyokratik

  sèvitè espesyal aplentan yo

  pote sekou lè gen katastwòf

  enprimri, pwodiksyon videyo ak piblikasyon ki soti sou Entènèt

• 

  DEPANS KONGREGASYON AN

  depans pou kongregasyon an, tankou achte tout sa ki nesesè pou Sal Wayòm nan epi fè antretyen ladan l

  kèlkeswa rezolisyon kongregasyon an pran pou yo voye yon kòb nan biwo filyal la pou:

  • konstriksyon Sal Wayòm ak Sal asanble sou tout tè a

  • dispozisyon entènasyonal pou pote èd

  • lòt aktivite k ap fèt sou tout tè a

KONGRÈ AK ASANBLE

Ofrann yo fè nan kongrè rejyonal yo ale pou travay mondyal la. Tandiske, se ofrann yo fè pou travay mondyal la yo itilize pou depans ki fèt pou kongrè rejyonal, asanble espesyal ak asanble entènasyonal yo.

Yo itilize ofrann yo fè nan asanble sikonskripsyon yo pou depans yo fè pou lwe, fè fonksyone epi fè antretyen nan lokal yo itilize pou fè asanble yo ak lòt depans ki nesesè pou sikonskripsyon an. Yon sikonskripsyon gendwa pran rezolisyon pou kòb ki rete apre yo fin fè tout depans yo genyen ale kòm ofrann pou travay mondyal Temwen Jewova yo.