Kontinye chèche fòmasyon Bondye bay la

REZON KI FÈ SA ENPÒTAN: Se Jewova, Gran Pwofesè a, ki bay pi bon fòmasyon ki egziste a. Li montre n fason pou n amelyore lavi nou e li prepare n pou n jwenn yon avni ki san parèy. Nou pa peye pou fòmasyon sa a (Eza 11:6-9; 30:20, 21; Re 22:17). Fòmasyon Jewova ban nou an pèmèt nou jwenn tout sa n bezwen tou pou n preche lòt moun mesaj k ap sove lavi yo a. — 2Ko 3:5.

FASON POU NOU FÈ L:

• Chèche gen bèl kalite, tankou dousè ak imilite. — Sm 25:8, 9

• Byen pwofite fòmasyon Jewova ap ba w kounye a, pa egzanp, lè w fè patisipasyon yo ba w kòm elèv nan reyinyon lasemèn nan.

• Fikse objektif k ap ede w gen yon pi bon relasyon ak Bondye. — Fp 3:13

• Fè sakrifis k ap pèmèt ou kalifye pou w jwenn plis fòmasyon. — Fp 3:8

GADE VIDEYO YO JWENN ANPIL BENEDIKSYON GRASA FÒMASYON JEWOVA BAY LA, EPI REPONN KESYON KI VIN APRE YO:

• Ki obstak kèk frè ak sè te venk pou yo te ka asiste Lekòl pou evanjelizatè Wayòm nan?

• Ki fòmasyon moun ki asiste Lekòl pou evanjelizatè Wayòm nan jwenn?

• Ki jan frè ak sè nan kongregasyon yo ede elèv ki gradye yo nan nouvo asiyasyon yo resevwa yo?

• Ki kondisyon pou yon moun ranpli pou l asiste Lekòl pou evanjelizatè Wayòm nan? (kr 189)

• Ki lòt kalite fòmasyon ou ka chèche nan òganizasyon Jewova a?