Èske w ka bay tan w ak fòs ou?

Jan Ezayi te pwofetize sa, pati òganizasyon Jewova a ki sou tè a ap grandi yon fason nou pa t janm wè anvan sa (Eza 54:2). Akoz akwasman sa a, nou bezwen konstwi lòt Sal Wayòm, Sal Asanble ak biwo filyal. Lè n fin konstwi lokal sa yo, y ap bezwen nou fè antretyen ladan yo, e gen kèk lòt k ap bezwen pou nou repare yo. Konstriksyon sa yo ban nou posiblite pou n bay Jewova tan nou ak fòs nou. Ki jan?

• Nou ka patisipe nan netwayaj Sal Wayòm nan lè se gwoup predikasyon nou an k ap fè l

• Nou ka pote n volontè pou n resevwa fòmasyon pou n fè antretyen nan Sal Wayòm nan

• Nou ka ranpli Aplikasyon pou moun ki ta renmen sèvi kòm volontè pou plan ak konstriksyon lokal (DC-50) pou n ka ede nan pwojè konstriksyon ak antretyen k ap fèt bò lakay nou

• Nou ka ranpli Aplikasyon pou moun ki ta renmen sèvi kòm volontè (A-19) pou n ede pou yon semèn oubyen plis nan filyal ki nan tèritwa nou an oswa nan yon lòt filyal

GADE VIDEYO KI GEN TIT YON NOUVO PWOJÈ KONSTRIKSYON — YON PATI NAN VIDEYO A, EPI REPONN KESYON KI ANNAPRE YO:

• Depi ane 2014, ki jan nou sèvi ak plis videyo pase anvan?

• Piske y ap kontinye fè plis videyo pou reyinyon yo, ki pwojè ki vin genyen, ki lè pwojè konstriksyon sa a ap kòmanse e ki lè l ap fini?

• Ki jan volontè yo kapab ede nou nan pwojè sa a?

• Si n ta renmen ede nan pwojè konstriksyon Ramapo a, poukisa nou ta dwe ranpli yon aplikasyon (DC-50), epi ede nan pwojè pou plan ak konstriksyon lokal k ap fèt bò lakay nou?

• Ki prèv ki montre Jewova ap dirije pwojè sa a?

• Ki jan nou ka soutni pwojè sa a, menmsi nou pa ka ede nan konstriksyon an pèsonèlman?