Sèvi ak Viv ak kè kontan pou toutan! an pandan w ap preche

Se pa ti kontan nou kontan pou n gen yon nouvo bwochi ak yon nouvo liv pou nou fè etid Labib! Nou priye Jewova pou l beni efò n ap fè pou nou jwenn plis disip toujou (Mt 28:18-20; 1Ko 3:6-9). Ki jan nou ka sèvi ak nouvo zouti sa yo?

Avèk Viv ak kè kontan pou toutan! an, nou vin gen yon nouvo fason pou n anseye, ki pèmèt etidyan yo patisipe plis nan etid la toutpandan n ap suiv enstriksyon pi ba yo sou fason pou n prepare e kondui etid Labib yo.a

• Li enfòmasyon yo, e pale sou kesyon yo

• Li vèse yo make “li” devan yo, epi ede etidyan an konprann fason pou l aplike yo

• Pase videyo yo e pale sou yo, lè nou sèvi ak kesyon yo bay yo

• Eseye fè yon leson nan chak etid

Nan predikasyon, ofri bwochi a an premye pou wè si moun nan enterese. (Gade kare “Fason pou nou ofri bwochi Viv ak kè kontan pou toutan! an nan premye rankont lan.”) Si nou fin etidye bwochi a avèk etidyan an e l vle kontinye, ofri liv la e kòmanse nan leson 4 la. Si w deja ap etidye avèk yon moun nan liv Anseye a oswa liv Rete nan Lanmou Bondye a, travèse avèk li nan liv Viv ak kè kontan pou toutan! an, e gade ki kote nou ka kòmanse.

GADE VIDEYO KI GEN TIT FASON W KA BYEN PWOFITE ETID LABIB OU A, EPI REPONN KESYON KI ANNAPRE YO:

• Ki sa etidyan yo pral aprann nan nouvo liv la?

• Poukisa w ta dwe montre nouvo etidyan yo videyo sa a?

• Tikras pa tikras, ki objektif ou ta dwe ankouraje etidyan yo pou yo fikse epi atenn? — Gade tablo “Ide kle ak sa w ka fè pou chak seksyon.”