Fason pou nou sèvi ak modèl konvèsasyon yo

Frè yo travay di pou yo prepare modèl konvèsasyon yo, e anpil pwoklamatè twouve yo vrèman efikas nan tèritwa yo. Sepandan, etandone sikonstans yo diferan toupatou nan monn nan, nan travay predikasyon an, pwoklamatè yo lib pou yo sèvi ak lòt kesyon, lòt vèsè oswa lòt sijè k ap plis enterese moun nan tèritwa yo a. Nòmalman, nou tout ta dwe suiv kèlkeswa enstriksyon yo bay pou yon kanpay espesyal. Objektif nou se akonpli misyon Jezi te ban nou pou nou preche bon nouvèl Wayòm nan. — Mt 24:14.

Lè n ap fè asiyasyon elèv yo, pwoklamatè yo ta dwe sèvi ak sijè nou jwenn nan modèl konvèsasyon ki nan Pwogram reyinyon Lavi nou ak travay nou fè a. Sepandan, amwenske yo ta ban nou lòt enstriksyon, pwoklamatè yo lib pou yo chwazi yon lòt kesyon, yon lòt vèsè oswa yon lòt kad k ap pi efikas nan tèritwa yo a. Sa a se yon ajisteman pou enstriksyon nou jwenn nan paj 8 pwogram reyinyon mwa jen 2020 an.