Mwen te vle chanje fason m ap viv

NAN ane 1985, m te gen 18 an e otorite sovyetik yo te ban m lòd pou m fè sèvis militè. Enjistis ak abi ki te konn fèt nan lame a te tèlman ban m pwoblèm, m te konn di tèt mwen: ‘M pa vle vin menm jan ak yo. M vle yon lòt moun.’ Poutan, m te santi m pa t ap ka toujou aji janm ta vle a. Mwen te vle chanje fason m ap viv.

Lè sèvis mwen te fini nan lame a, mwen te tounen lakay mwen. Yon jou swa, apre m te sot nan yon fèt, mwen te priye Bondye, m te mande l ede m fè chanjman nan lavi m. Nan demen, pandan m t apral travay, mwen te pase wè matant mwen ki te Temwen Jewova. Lè m te antre nan kay la, mwen te jwenn yon ti gwoup Temwen ki te la pou yon reyinyon. Yo te byen akeyi m, donk mwen te deside rete pou m suiv reyinyon an.

Mwen te aksepte fè yon etid Labib e sis mwa apre, mwen te batize. Jewova te ede m vin yon pi bon moun, yon bagay mwen pa t ap ka fè poukont mwen.