Kantik 7 (19)
Nou nan lajwa tout lajounen
1. Nou kontan ! Nou rejwi !
Paske n gen favè Bondye.
Nou santi n nan lajwa,
Travay la ap pwogrese.
Nou pa manke anyen, Bondye pran swen n byen,
Kouny’a, ki sa k nesesè pou n mande ?
Nou anpè, kè n poze,
Nou gen yon lajwa total.
Nou aprann kontante,
Bondye pwòch nou, l amikal.
Kè kontan anvayi n, nou gen disiplin,
N ap travay di pou yon rekòt final.
2. Verite Wayòm nan
Libere n, sa fè n rejwi.
Pitit Bondye bay lòd,
Kidonk nou koute vwa li.
Se ak san l li achte n, li byen anseye n,
Konsa, nou menm ak Bondye ka zanmi.
Wayòm nan deja la,
Li pot yon jwa san parèy.
Bondye bay yon “ esklav ”
Ki pran swen n, ki ban n konsèy.
Nou jwenn eklèsisman, avni nou briyan,
N ap avèti moun yo ki nan somèy.
3. Preche limanite
Se yon kokenn sous lajwa.
Nou santi nou kontan
Lè nou jwenn mouton pou Ya !
Frè nou yo nou renmen, n akeyi vwazen,
Ini ann espri, n ap bay Bondye glwa.
Tout lajounen n kontan,
Tank n ap fè konn Wayòm nan.
Yon gwo foul vin parèt.
Gade pou w wè jan l vin gran !
Ann kite Jewova kondui n, ban n lebra,
Li se sèl vrè Dye, n ap louwe l toutan.