Jis nan ki pwen ou bay Pawòl Bondye a valè?

Bib la, yon liv ki sakre, gen ladan l panse ak pawòl Jewova, Sila a ki te fè ekri l la (2P 1:20, 21). Lefètke Labib atire atansyon nou sou jan Jewova pral defann dwa li genyen pou l dirije antanke Souvren an grasa Wayòm li an, li bay tout limanite espwa talè konsa y ap kapab viv pi byen. Anplis de sa, Labib ede nou konnen bèl pèsonalite Jewova, Papa nou ki nan syèl la, genyen. — Sm 86:15.

Nou chak nou gen rezon pa nou ki fè nou apresye Pawòl Jewova a. Men, èske n montre nou bay kado sa a anpil valè, lè nou li l chak jou epi n aplike sa n li ladan l nan lavi nou? Ann montre nan aksyon nou nou santi n menm jan ak youn nan moun ki te ekri nan liv Sòm yo ki te di: “Se pa ti renmen mwen renmen lwa w yo!” — Sm 119:97.

GADE VIDEYO YO TE BAY BIB LA VALÈ — REZIME (WILLIAM TYNDALE), EPI REPONN KESYON KI ANNAPRE YO:

• 

  Poukisa William Tyndale te tradui kèk pati nan Bib la?

• Sa k fè efò li te fè pou l tradui Bib la te vrèman estrawòdinè?

• Ki jan yo te fè pou kopi Labib Tyndale te fè a antre an kachèt ann Angletè?

• Ki sa nou chak ka fè pou n montre nou bay Pawòl Bondye a valè?