PEJATS 6

¿Janéy tu okʼtsal kʼal xowaˈ watʼey ti wejéˈ ban Pulek Pubénib?

An Okʼoxláb in lupundhaˈ an atiklábtsik xi atʼax, por in loˈo na Noé ani nin yaníl (2 Pedro 2:5, 6)

An atiklábtsik kʼwajat ti lupnal, an tan ti madhadhál ani an ángeles in jiláltsik nin tʼuˈúl

Ában 40 a kʼitsáj ani 40 i akal, ani an jaˈ in lupundhaˈ an Chabál ani ejtal an atiklábtsik xi atʼax chemech.

An ángeles xi atʼax in jilaˈtsik nin tʼuˈúl xin koˈoy ti Chabál ani wenkʼontsik tin tolmiwál an Lej Atʼax.

Na Noé, nin yaníl, ani an koˈnéltsik u kʼalel ban tan ani jun i pichʼal u xalkʼanal tuwaˈ walkʼiˈ

Tokot loˈey an atiklábtsik xi tajaˈ ti kʼwajat ban pulek tan atáj. Na Noé ani nin yaníl chemechtsik jeye más tayíl, por an Okʼoxláb neˈech kin witsbantsi tin xeˈchintal ani neˈech kin ejtotsik ka kʼwajay abal echʼekʼij.

An Okʼoxláb neˈech juní kin wixkʼaˈ an atiklábtsik xi atʼax, por an atiklábtsik xi alwaˈ neˈech kin loˈo (Mateo 24:37-39)

Na Satanás ani nin tolmiwáltsik in eynál yan xanéy abal kin kʼambiy an atiklábtsik

An Lej Atʼax ani nin tolmiwáltsik in óntsal kin kʼambiy an atiklábtsik abal yab kin tʼajaˈ ti kwentaj an Okʼoxláb Jehová.

Anchanˈ xanti tamun tam ti xeˈchin na Noé, xoˈ ta kʼitsáj jeye yan i atiklábtsik yab in léˈ kin tʼajaˈ ti kwentaj an Okʼoxláb Jehová. Jaxtám weˈich i kʼij u kʼibel abal kin wixkʼaˈ ejtal an atiklábtsik xi atʼax (Lucas 17:26, 27).

An Óltsixtsik kʼal a Jehová in eynál an Tʼokat Dhutslab abal kin óltsi jun i inik, jun i inik kʼwajat in ajyal an Tʼokat Dhutslab

Por waˈach jeye i atiklábtsik xi in junwal jelti na Noé ani in tʼajáltsik xowaˈ an Okʼoxláb in léˈ, jaˈich an Óltsixtsik kʼal a Jehová.