¿Jitaˈ jaˈich na Jesús?

Na Jehová in abaˈ na Jesús ban Chabál (1 Juan 4:9)

Más okʼox kin tʼajaˈ na Adán, na Jehová in tʼajaˈ tuwaˈ walkʼiˈ jun i ángel lej chapniˈ. Max i léˈ ki kulbédhaˈ an Okʼoxláb, koˈol jeye ki tʼajaˈ ti kwentaj jechéˈ i ángel.

Tayíl tam tin tʼajaˈ jechéˈ i ángel, an Okʼoxláb in tʼajaˈ ka waˈchin ti Chabál. Ani in waˈchindhaˈ ti Belén jun i tsidhan xi in bij ta María. Ani an chakam in bijnaˈ ta Jesús (Juan 6:38).

Lejat kʼwajay na Jesús techéˈ ti Chabál, jajáˈ in tejwaˈmédhaˈ abal u alwaˈ inik ani u kʼanidhom tʼajat janti nin Tátaˈ Jehová. Jaxtám ti an atiklábtsik in léˈnaˈ ka kʼwajay kʼal jajáˈ. Jeyeˈ in okʼtsixnaˈ an tsubaxtaláb kʼal yan i iniktaláb.

Na Jesús in tʼajaˈ yan xanéy xowaˈ alwaˈ, por belkʼi pojká kʼal an atiklábtsik (1 Pedro 2:21-23)

Jeye in jeldhaˈ i yaˈultsik ani in witsbantsi tin xeˈchintal juntsik i atiklábtsik.

Tayíl, an okʼlek belomtsik in tʼajaˈ abal an romanos kin chaˈaw ani kin chemdhaˈ na Jesús.

Na Jesús pojká kʼal an okʼlek belomtsik, kom in uluw abal jajáˈtsik kʼwajatak in okʼtsixnál i kʼambixtaláb ani in tʼajálaktsik xowaˈ yab alwaˈ.