¿Janti in ejtowal ti tolmiy nin Chemtal na Jesús?

Na Jesús chemech abal wawaˈ ki ejto ku kʼwajay abal echʼekʼij (Juan 3:16)

Óx a kʼitsáj tayíl tam ti chemech na Jesús, kʼale ti aliyáb xonti jolidh kʼal juntsik i mimlábtsik, por yab elan, kom an Okʼoxláb jaykʼich tin witsbantsámal tin xeˈchintal.

Na Jesús xalkʼan tayíl xonti kʼwajat an apóstoles.

Na Jehová yab in witsbantsi tin xeˈchintal na Jesús jelti jun i atikláb. In witsbantsi tin xeˈchintal janti jun i ángel xi lej chapniˈ tʼajat, xi yab jaykʼiˈ neˈech ka chemech. Chuˈtat kʼal nin exóbaliltsik tam ti kʼaléch walkʼiˈ.

An Okʼoxláb in witsbantsi tin xeˈchintal na Jesús ani in bijiy ti takʼix ba nin Takʼixtal an Okʼoxláb (Revelación [Apokalipsis] 11:15)

Na Jesús in pidhnaˈ tin baˈ abal tu loˈo kʼal an walastaláb ani an chemlá (Mateo 20:28). Jalbintsích kʼal xowaˈ in tʼajaˈ na Jesús, an Okʼoxláb in ejtowal tu pidhaˈ an xeˈchintaláb xi yab in koˈol in okʼontal.

Na Jehová in takuy na Jesús abal kin takʼiy an Chabál. Por yab neˈech ti takʼix kwetém, kʼal jajáˈ neˈech ka kʼwajay 144,000 i atiklábtsik xi neˈech ka witsbantsat tin xeˈchintal tuwaˈ walkʼiˈ. Jechéˈ i takʼixtaláb, jaˈich nin Takʼixtal an Okʼoxláb (Apokalipsis 14:1-3).

Nin Takʼixtal an Okʼoxláb neˈech kin tʼajaˈ abal an Chabál ka kʼwajay lej alabél, neˈech kin wixkʼaˈ an atʼaxtaláb, an pejextaláb, an chʼojontaláb ani an kʼaˈínab. Ejtal an atiklábtsik neˈech ka kʼwajay lej kulbél (2 Pedro 3:13).