¿Janti a ejtowal ka tejwaˈmédhaˈ abal a kʼakʼnál a Jehová?

Ka tejwaˈmédhaˈ abal i kʼwajat kʼal an Okʼoxláb (1 Pedro 5:6-9)

Koˈol ki tʼajaˈ an chápláb abal ki jilaˈ an ajibtsik xi an Tʼokat Dhutslab in ulal abal yab alwaˈ.

Yab ki xeˈchin kʼal tin kwentaj an política. Tokot koˈol ki tolmiy na Jehová ani nin Takʼixtal.

Xowaˈ xi más alwaˈ a ejtowal ka tʼajaˈ, jaˈich, ka tʼajaˈ ti kwentaj an Okʼoxláb (Mateo 7:24, 25)

Ki kʼale ban junkuntalábtsik xi in tʼajál an Óltsixtsik kʼal a Jehová ani jajáˈtsik neˈech ti tolmiy ka exlaˈ an Okʼoxláb.

Ka óntsi ka exobnaˈ kʼal tin kwentaj an Okʼoxláb ani ka tʼajaˈ xowaˈ in ulal nin takʼixtalábil.

Tam ka pubey na belomtal kʼal a Jehová, ka utsaˈ abal a léˈ ka tʼojontsi abal echʼekʼij ani ki pujan (Mateo 28:19).

Ka tʼajaˈ ti kwentaj an Okʼoxláb. Ka ajay an Tʼokat Dhutslab ani ka kontsi an Óltsixtsik kʼal a Jehová ti tolmiy ka exbay más alwaˈ. Max ka tʼajaˈ xowaˈ exom a exobnál, neˈech ki kʼwajay abal echʼekʼij (1 Juan 2:17).