¿Neˈech ki jilaˈ ki watʼnaˈ i yajtsiktaláb?
¿Neˈech ka uluw abal . . .
... neˈech?
... yabaˈ?
... neˈech xónaˈ?
XOWAˈ IN ULAL AN TʼOKAT DHUTSLAB
«Neˈech ka kʼwiˈtsintsik tin jaˈmál nin wal kʼal [an Okʼoxláb] ani yabich neˈech ka waˈchin i chemlá, nibal i ukʼil, nibal i tʼeˈpintaláb, nibal i yajal.» (Apokalipsis 21:3, 4, Nuevo Testamento Huasteco de Veracruz.)
JANTI TU TOLMIYAL KI CHOˈÓBNAˈ
Neˈech ki choˈóbnaˈ alwaˈ abal an Okʼoxláb yab jajáˈ tu tʼajtsal ki watʼnaˈ i yajtsiktaláb (Santiago 1:13).
Neˈech tu kʼijidhmédhaˈ ki choˈóbnaˈ abal an Okʼoxláb in exbayal ejtal an yajtsikʼtaláb xi watʼnál (Zacarías 2:8).
Neˈech ki koˈoy jun i alwaˈ aytsixtaláb abal an kʼij xi taˈtál, yabich neˈech ka waˈchin xowaˈ tu tʼeˈpindhaˈ (Salmo 37:9-11).
¿I EJTOWAL KI BELAˈ XOWAˈ IN ULAL AN TʼOKAT DHUTSLAB?
Anchanʼ, waˈach cháb i tsubaxtaláb:
An Okʼoxláb in atʼál an yajtsiktaláb ani xowaˈ yab lujat. ¿Janti tin achʼaˈ na Jehová ti wejéˈ, tam ti atʼax tʼajtsin nin bitsówil? An Tʼokat Dhutslab in ulal abal jajáˈ in yajnaˈ kin chuˈuw xowaˈ tʼajtsin kʼal kʼeˈet i bitsow (Jueces 2:18).
An Tʼokat Dhutslab in ulal abal an Okʼoxláb yab in kulbetnál an atiklábtsik xi in atʼax tˈajtsal xi kʼeˈetsik, ani in ulal abal in atʼál jitaˈ u chemdhax (Proverbios 6:16, 17).
An Okʼoxláb tu kʼanidhál jun ani jun ti éb. Max a chalpayal abal tokot tatáˈ a choˈób xanéy a achʼál tam a watʼnál jun i yajtsikʼtaláb, neˈech ti kulbédhaˈ ka choˈóbnaˈ abal na Jehová in tʼajál ti kwentaj xowaˈ a watʼnál (2 Crónicas 6:29, 30).
An Okʼoxláb, neˈech kin eynaˈ nin Takʼixtal abal kin wixkʼaˈ ejtal an yajtsikʼtaláb xi in watʼnál an atiklábtsik (Mateo 6:9, 10). Lejat xóˈ, kʼwajat in kʼijidhmédhal ejtal jitaˈtsik in alyal kʼal i tsubaxtaláb (Hechos 17:27; 2 Corintios 1:3, 4).
KA KONOY TA BAˈ
¿Jantʼó tin jilál an Okʼoxláb ki watʼnaˈ i yajtsiktaláb?
Neˈech ka elaˈ an tokʼtsixtaláb xi in pidhnál an Tʼokat Dhutslab ti ROMANOS 5:12 ani 2 PEDRO 3:9.