AJUMTALÁB 14
¿Janéy yejat ki tʼajaˈ abal an Okʼoxláb kin bachʼuw an kʼakʼnaxtaláb xi pidhál?
Janti i chuˈuw ban ajumtaláb xi watʼey, an Okʼoxláb yab in kulbetnál ejtal an belomtalábtsik. Por i ejtowal ki kʼakʼnaˈ an Okʼoxláb xanti jajáˈ in kulbetnál. ¿Janti in kulbetnál an Okʼoxláb «ka kʼakʼná»? O ¿Jowaˈ jaˈich an «belomtaláb» xi jajáˈ in bachʼwal? (Santiago 1:27; nota). Ki exóbnaˈ xowaˈ an Tʼokat Dhutslab in okʼtsixnál.
1. ¿Jonti tu ólnáb xanti koˈol ki kʼakʼnaˈ an Okʼoxláb?
An Biblia tu óltsal janti koˈol ki kʼakʼnaˈ an Okʼoxláb. Na Jesús in utsaˈ an Okʼoxláb: «Na káwintal jaˈich an tsubaxtaláb» (Juan 17:17). Juntsik i belomtalábtsik yab in tʼajál ti kwentaj an tsubaxtaláb xin ólnál an Biblia; más alwaˈ in tʼajáltsik ti kwentaj xowaˈ in okʼtsixnál an iniktsik. Por na Jehová, yab in kulbetnál xitaˈtsik yab in tʼajál ti kʼij nin takʼixtal (ka ajay Markos 7:9). Por wawáˈ i ejtowal ki kulbédhaˈ na Jehová, tam i tʼajál ti kwentaj nin takʼixtal xi tu kontsal ban Biblia.
2. ¿Janti koˈol ki kʼakʼnaˈ na Jehová?
Kom na Jehová jajáˈ tu tʼajámal, jaxtám tokotkʼi jajáˈ in tomnál ki pidhaˈ an kʼakʼnaxtaláb (Apokalipsis 4:11). Jaxtám koˈol ki kʼanidhaˈ ani ki kʼakʼnaˈ tokot na Jehová, ani yab koˈol ki éynaˈ i chʼilabtsik (ka ajay Isaías 42:8).
An kʼakʼnaxtaláb xi ki pidhaˈ koˈol ka kʼwajay «tʼokat xanti in kulbetnál na Dios» (Romanos 12:1). Jechéˈ in léˈ kin uluw, abal koˈol ki tʼajaˈ ti xeˈchintal xowaˈ i exóbnál ban Biblia. Tám, jitaˈtsik in kʼanidhál na Jehová in tʼajáltsik ti kwentaj an takʼixtaláb xin ulal kʼal tin kwentaj an tomkintaláb. Ani jeye yab u juchʼultsik, yab in éynál i drogas, nibal in watʼpintsaltsik kʼal an tsʼaˈik uxnél.a
3. ¿Jantʼó ti koˈol ku junkun kʼal i atiklábtsik xin tʼajál ti kwentaj na Jehová abal ki kʼakʼnaˈ?
An junkuntalábtsik xu tʼajnal semana ti semana, tu tolmiyal ki kʼakʼnaˈ «na Jehová [...] ban junkuntaláb» (Salmo 111:1, 2). Jun xanti i ejtowal ki tʼajaˈ jaˈich, tam i ajtintsal an Okʼoxláb (ka ajay Salmo 104:33). Na Jehová tu kontsal ku junkun kom jajáˈ tu kʼanidhál ani in choˈób abal jachanˈ neˈech tu tolmiy abal ku kʼwajay kʼijidh abal echʼekʼij. Tam u junkunal i ejtowal ki kʼijidhmédhaˈ xi kʼeˈettsik, ani u kʼijidhmél weye.
ABAL KI EXÓBNAˈ MÁS
Ki exóbnaˈ jantʼó ti na Jehová yab in kulbetnál ki éynaˈ i chʼilabtsik abal ki kʼakʼnaˈ. Ki chuˈuw juntsik xanéy xanti i ejtowal ki kʼakʼnaˈ na Jehová.
4. Yab alwaˈ ki éynaˈ i chʼilabtsik abal ki kʼakʼnaˈ an Okʼoxláb
¿Janti i choˈób abal yab in kulbetnál an Okʼoxláb? Ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Janéy watʼey ti wejeˈ tam ti an israelitas in éynaˈ jun i chʼilab abal kin kʼakʼnaˈ na Jehová?
Juntsik i atiklábtsik in achʼál abal kʼwajat más utat kʼal an Okʼoxláb tam in éynál i chʼilabtsik. Por kʼal xowaˈ in tʼajáltsik, ¿tsubax kʼwajattsik ti utel más kʼal an Okʼoxláb? Ka ajaytsik Éxodo 20:4-6 ani Salmo 106:35, 36, ani ki tʼilmáchtsik kʼal tin kwentaj jechéˈ:
¿Jantʼom chʼilabtsik a chuˈúmal abal in éynál an atiklábtsik?
¿Janéy in achʼál na Jehová tam u éynáb i chʼilabtsik?
¿A chalpayal abal alwaˈ ki éynaˈ i chʼilabtsik abal ki kʼakʼnaˈ an Okʼoxláb? ¿Jantʼó?
5. Max tokot ki kʼakʼnaˈ na Jehová, yab neˈech ki belaˈ i óltsixtalábtsik xi yab tsubax
Ki chuˈuw jantʼókʼi max ki kʼakʼnaˈ na Jehová xanti jajáˈ in léˈ, tu tolmiyal abal yab ki belaˈ i óltsixtalábtsik xi yab tsubax. Ka chuˈutsik an VIDEO.
Ka ajaytsik Salmo 91:14 ani ki tʼilmáchtsik kʼal tin kwentaj jechéˈ:
Max i tejwaˈmedhál abal i kʼanidhál ani i kʼakʼnál tokotkʼi jajáˈ, ¿janéy in ulal na Jehová abal neˈech kin tʼajaˈ kʼal wawáˈ?
6. I kʼakʼnál an Okʼoxláb ban junkuntaláb
Tam u ajat ani i pidhnál i tokʼoxtalábtsik ban junkuntaláb i kʼakʼnál na Jehová, ani jeye u kʼíjídhmédháx jún ani jún. Ka ajaytsik Salmo 22:22 ani ki tʼilmáchtsik kʼal tin kwentaj jechéˈ:
¿A kulbetnál an tokʼoxtalábtsik xu pidhnáb ban junkuntaláb?
¿A léˈ ka tʼojojoy jun i tokʼoxtaláb abal ka pidhnaˈ ban junkuntaláb?
7. Na Jehová in kulbetnál ki tʼiltsi xi kʼeˈettsik xowaˈ i exóbnál
I ejtowal ki tʼajaˈ yan xataˈ abal ki tʼiltsi xi kʼeˈettsik xowaˈ in ólnál an Tʼokat Dhutslab. Ka ajaytsik Salmo 9:1 ani 34:1, ani ki tʼilmáchtsik kʼal tin kwentaj jechéˈ:
Kʼal ejtal xowaˈ i exobnámal ban Tʼokat Dhutslab, ¿janéy a léˈ ka tʼiltsi xi kʼeˈettsik?
XOWAˈ JUNTSIK IN ULAL: «An Okʼoxláb yab in tʼajál ti kwentaj janti i kʼakʼnál, tokot koˈol ki tʼajaˈ xowaˈ alwaˈ».
¿Janéy a chalpayal tatáˈ?
XOWAˈ I EXOBNÁMICH
I kulbédhál an Okʼoxláb tam i kʼakʼnál tokotkʼi jajáˈ, tam i kʼakʼnál ban junkuntalábtsik ani tam i tʼiltsal xi kʼeˈettsik xowaˈ i exobnámal.
Ki chalpay xowaˈ i exobnámal
¿Jonti tu ólnáb xanti in léˈ an Okʼoxláb ka kʼakʼná?
¿Jantʼó ti koˈol ki kʼakʼnaˈ tokotkʼi na Jehová?
¿Jantʼó ti koˈol ku junkun kʼal i atiklábtsik xin tʼajál ti kwentaj an Okʼoxláb abal ki kʼakʼnaˈ?
KA EXLAˈ JUN XATAˈ MÁS
Ka ajay an biografía «yabich xoˈ u kʼakʼnál an chʼilabtsik» abal ka chuˈuw janti jun i mímláb in jilaˈ kin kʼakʼnaˈ an chʼilabtsik.
Ka chuˈuw janéy a ejtowal ka tʼajaˈ abal ka pidhnaˈ i tokʼoxtalábtsik ban junkuntaláb.
«Ki kʼakʼnaˈ na Jehová ban junkuntaláb» (La Atalaya, enero de 2019)
Ka chuˈuw janti tolmiyat jun i kwitól kʼal an junkuntaláb aunque in achʼálak tʼojláb ka kʼale.
Yan i atiklábtsik in éynál an cruz abal kin kʼakʼnaˈ an Okʼoxláb, ¿por tsubax lejtal alwaˈ weye ki éynaˈ?
«¿Jantʼó ti yab in éynál an cruz an óltsixtsik kʼal a Jehová?» (Artículo de jw.org)
a Neˈech ka tʼilan más kʼal tin kwentaj jechéˈ ba píl i ajumtalábtsik.