TRYING FO TALK STORY DA FIRS TIME
LESSON 6
No Sked
Bible trut: “Cuz we stay tight wit God, no matta we sked, we wen go tell you guys da Good Kine Stuff From God.”—1 Tess 2:2.
Wat Jesus Wen Do
1. Watch um da VIDEO, o read um Luke 19:1-7. Den tink about da questions:
How come some peopo neva like go by Zakkeus?
Wat wen make Jesus tell him da good kine tings from God anyway?
Wat We Learn From Jesus?
2. No sked preach about God’s Govament to erybody.
Copy Jesus
3. Trus Jehovah. God’s spesho spirit wen give Jesus da powa he wen need fo preach, an it can do da same ting fo you too. (Mat 10:19, 20; Luk 4:18) Ask Jehovah fo you no be sked fo preach to da guys dat might make you feel sked.—Jesus Guys 4:29.
4. No judge peopo befoa you know um. We might hold back from talking story wit some peopo cuz of da way dey look, how much money dey get, how dey live, o wat dea religion. But rememba:
Jehovah an Jesus know wass in da heart; we donno.
We know Jehovah can help anybody.
5. No be sked but show respeck an be keaful. (Mat 10:16) No make argue. If da person no like lissen, o you no feel safe, jus be nice to dem an dig out.—Smart Guys 17:14.