You Spock Da Ansas To Yoa Prayas?

In da Bible, get choke exampos of prayas dat Jehovah wen ansa. Wen God’s peopo had see how Jehovah wen hea each one of dea prayas, an how he wen kokua dem, dat wen make dea trus come moa strong. Dass why, iz good fo tell Jehovah exackly wat we need an den look fo his ansa. But good fo rememba dat he might not ansa yoa praya da way you like, o he might even give you moa den wat you aks fo. (2 Cor 12:7-9; Efe 3:20) Wat kine help Jehovah can give you fo ansa yoa prayas?

• Give us da mana fo hando any pilikia we goin thru.​—Php 4:13

• Give us da smarts, so we know wat fo do.​—Jam 1:5

• Fo help you like do da tings he like, an da powa fo do um.​—Php 2:13

• Fo make um so nottin bodda us wen we stay worry.​—Php 4:6, 7

• Kokua from da spiritual ohana.​—1 John 3:17, 18

• Kokua fo da guys we pray fo.​—Jesus Guys 12:5, 11

WATCH UM DA VIDEO JEHOVAH “DA ONE DAT LISSEN WEN US GUYS PRAY” AN DEN ANSA DESE QUESTIONS:

• How Bradda Shimizu’s story kokua us if we no can do plenny cuz oua healt stay all buss up?

• How us can copy Bradda Shimizu’s exampo?