LIVE JALIKE JESUS
Jehovah Kokua Us Thru Oua Hard Times
Befo dis world come pau, we goin go thru plenny hard times. An sometimes we might feel like dis way too heavy fo us hando. But, if we stay tight wit Jehovah, he goin help us fo hang in dea no matta how bad oua pilikia stay. (Isa 43:2, 4) How we can come tight wit Jehovah wen we go thru hard times?
Praya. Wen we pray from da heart an no hold back, Jehovah goin make um so nottin bodda us an give us da powa fo hando.—Php 4:6, 7; 1 Tess 5:17.
Meetins. Even moa now, us gotta come togedda fo get da spiritual kaukau dat Jehovah give us at oua meetins. (Heb 10:24, 25) Wen we make ready, go, an ansa at da meetins, we full on goin get da help from Jehovah’s spesho spirit.—Jesus Show 2:29.
Preachin. Goin be moa easy fo see da good in tings if us guys stay regula in field service. An fo shua goin make us moa tight wit Jehovah an oua braddas an sistas.—1 Cor 3:5-10.
WATCH UM DA VIDEO JEHOVAH GOIN HANAI YOU, AN DEN ANSA DESE QUESTIONS:
Wat wen kokua Malu wen she wuz goin thru hard times?
Jalike Malu, how Songs 34:18 can help you feel betta wen you goin thru pilikia?
How da stuff Malu wen go thru show dat da “powa from God” goin help us wen goin thru hard times?—2 Cor 4:7