LIVE JALIKE JESUS
See Yoaself Da Way Jehovah See You
“Da One In Charge feel real good bout his peopo.” (Songs 149:4) Even tho we no stay perfeck, Jehovah always spock da good tings in us an see all dat we could do. But, sometimes we struggle fo see ouaself da same way Jehovah see us. We might feel like we wort nottin cuz of da way peopo treat us. O, if we keep tinkin about all da bad kine stuff we wen do befo, we might tink no way Jehovah could eva love us. Wat can kokua us if we feel lidis?
Rememba Jehovah see wat nobody else can see. (1 Sam 16:7) Dat mean, he can see moa den wat we see in ouaself. We so tankful dat we get da Bible so we can know how Jehovah see us. Wen we read da Bible an da exampos dat stay inside um, we goin see how much Jehovah love his peopo.
WATCH UM DA VIDEO STAY SHUA DAT YOU ALL GOOD WIT JEHOVAH, AN DEN ANSA DESE QUESTIONS:
Wat da story about da runna an his fadda teach us about how Jehovah see us?
If somebody wen make one mayjah mistake an wen do erytin fo make tings right wit Jehovah again, how dey goin be shua dat “eryting stay okay now” wit Jehovah?—1 John 3:19, 20
How wuz good fo da bradda cuz he wen read an tink hard about David an Jehoshafat?