Help Fo Study

Try Rememba Da Songs

“Wen I stay supa bum out, I feel Jehovah’s help wen I lissen da songs on JW Broadcasting^®.”​—Lorraine, U.S.A.

Christians wen always sing songs fo worship God. (Col 3:16) If you rememba da words to da songs, dey can help you even wen you no moa songbook o electronic kine stuffs. Try use dese tings fo help you rememba da songs.

• Read da words real good fo undastan wat mean. Az moa easy fo rememba someting wen da ting make sense to you. Da words fo all da songs, even da original songs an da songs fo keiki, stay on top jw.org. Unda da Library part, go Music.

• Write da words down on one piece paypa. Wen you do dat, going help you rememba um moa.​—Rules 17:18.

• Practice um out loud. Read um o sing um da song ova an ova.

• Try see how much you rememba. Try fo rememba da words witout looking at um, den check um fo see how you wen do.